FILIFI 1:9 - JANJAI BLAU Lem Bahaso Jang Bebilai

⁹ Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

FILIFI 1:9 ပူးပေါင်းရင်းမြစ်များ

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

2 KORINTUS 8:7

Kerno o, uyo, serai awei udi kayo lem kute sesuaktau – lem imen, lem kecek, lem pengetahuan, lem sungguak-sungguak utuk mulung, ngen lem kasihnu teadep keme – awei oba kulo lokne udi kayo lem pelayanan kasih yo.

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

1 TESALONIKA 3:12

Semoga Tuhan menea udi tambeak mengasihi do ngen de luyen ngen tambeak mengasihi kute tun, sehinggo kasihnu o betambeak, serai awei kasih keme ngen udi.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

FILEMON 1:6

Uku bedu'o semoga persaudaraan ite sebagoi tun-tun pecayo bakea dapet asea pengertian de lebiak lai das kute berkat de ite temuan kerno jijai do ngen Kristus.

IBRANI 5:14

Kembuk de telo adeba utuk tun lai de kerno pengalaman, bi dapet mbeda ipe de baik ngen coa.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.