FILIFI 1:7 - JANJAI BLAU Lem Bahaso Jang Bebilai

⁷ Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

FILIFI 1:7 ပူးပေါင်းရင်းမြစ်များ

KISAH RASUL-RASUL 20:23

Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro.

KISAH RASUL-RASUL 21:33

Pemipin pasukan o ma'ok Paulus, temakepne ngen meluak meket si ngen duai ratoi, lajau betanye api si, jano de sudo neane.

1 KORINTUS 13:7

Si tabah ngen lok pecayo ngen de lebiak baik pado tiep tun; lem keadaan de aweipe kulo tun de kemasiak coa perneak putus asa ngen sabar mbot kute hal.

1 KORINTUS 9:23

Kute o uku nea Bito Baik kunei Allah o, supayo uku kulo dapet berkat.

2 KORINTUS 3:2

Koba su'et pujian keme de tetulis lem atei keme, de tun namen ngen dapet baco kute tun.

2 KORINTUS 7:3

Uku madeak awei yo, iso utuk mukum udi, sebab nano bi uku madeak bahwo udi bi dapet penan neak lem atei keme, sehinggo ite sehidup sematei.

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

EFESUS 3:1

Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 6:20

Kerno Bito Baik o ba, uku jijai suang utusan de nasuk sel. Bedu'oba supayo uku binai miling tetang Bito Baik o, de awei ipe seharusne uku miling.

FILIFI 1:12

Uku lok udi namen, bahwo hal-hal de sudo tejijai ngen uku justru menea lebiak dau tun temi'uk ngen pecayo ngen Bito Baik o.

FILIFI 1:13

Akibatne, kute pengawal istana ngen tun-tun luyenne neak kota o namen bahwo uku nasuk sel kerno uku melayan Kristus.

FILIFI 1:14

Ngen kerno uku nasuk sel, dau kunei tun-tun Kristen neak kota yo jijai lebiak yakin igai ngen Tuhan, sehinggo tobo'o tambeak binai melei namen pesen Allah.

FILIFI 1:5

Uku mucep syukur ngen Allah kerno sejok bilai pertamo sapei uyo, udi bi temulung uku melei namen Bito Baik kunei Allah.

FILIFI 2:22

Udi suang sudo kemliak buktine bahwo Timotius beguno. Si bi kerjo benek besamo uku utuk melei namen Bito Baik kunei Allah. Keme beduai awei anok ngen bapok bae.

FILIFI 4:14

Tapi udi sudo temulung uku neak lem kesaro uku; ngen jano de udi nea o memang baik

FILIFI 4:15

Saudaro-saudaro tun Filifi! Udi suang namen benea bahwo ketiko uku teminggea Makedonia bel'o, pado waktau Bito Baik o uku sembea utuk pertamo sekilaine, udiba dedone jemaat de temulung uku; udi dedone de milau kemcep utung rugai besamo-samo uku.

FILIFI 4:3

Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

KOLOSE 4:18

Salam kunei uku, Paulus. Uku suang de temulis bagian yo. Jibeak coa tinget bahwa uku masiak neak lem sel! Semoga Tuhan memberkati udi. Hormat keme, Paulus

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

1 TESALONIKA 5:5

Saudaro kutene adeba tun de idup lem te'ang; udi adeba anok-anok te'ang ngen anok-anok lueng. Ite isoba tun-tun kelmen atau tun-tun kelem.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

2 TIMOTIUS 2:9

Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

FILEMON 1:13

Sebeneane uku lok tema'en si besamo uku sebagai giteiko, selamo uku tena'en lem sel yo kerno melei namen Bito Baik kunei Allah.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

2 PETRUS 1:13

Selamo uku masiak idup, uku meraso wajib minget udi tetang hal-hal tesebut.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.