FILIFI 1:6 - JANJAI BLAU Lem Bahaso Jang Bebilai

⁶ Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

FILIFI 1:6 ပူးပေါင်းရင်းမြစ်များ

YOHANES 6:29

Jawab Yesus, “Dioba kerjo de kenlok Allah, adeba lok ba udi pecayo ngen-Si de sudo nutus Allah.”

KISAH RASUL-RASUL 11:18

Waktau tobo'o temi'uk hal'o, tobo'o jijai tenang, lajau memulikan Allah, nadeakne, “Jijai, bangso-bangso luyen kulo Allah melei karunio utuk tobat kunei duso-dusone.”

KISAH RASUL-RASUL 16:14

Saleak suang kunei seselawei o de genne Lidia turut temi'uk. Si asalne kunei kota Tiatira, si suang tun tukang jagea kain ungu de mengasihi Allah. Tuhan mukok ateine, sehiggo si temi'uk jano de nadeak Paulus.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

2 KORINTUS 1:15

Kerno keyakinan o ba uku perneak rencano utuk mulau udi dute, supayo udi buliak temimo anugerah utuk keduai kilaine.

2 KORINTUS 2:3

Do'ba maksud su'etku o, adeba supayo amen uku teko, jibeak uku ibo kerno tobo'o de seharusne menea uku jijai riang. Sebab uku yakin tetang udi kutene bahwo keriangku adeba kulo keriangnu.

2 KORINTUS 7:16

Uku riang, sebab uku dapet pecayo ngen udi lem kute hal.

2 KORINTUS 9:4

Uku khawatir amen ade tun-tun Makedonia de milau besamo-samo uku be pado waktau uku teko ngen ko. Ngen amen tobo'o namen bahwo udi ati siap, woi, padeak selekne keme be, kerno bi madeak bahwo keme pecayo sekilai ngen udi! Ngen udi kulo bakea selek.

GALATIA 5:10

Kunyau awei o uku masiak pecayo bahwo udi coa bakea temuan pendirian luyen kunei dio, sebab ite bi jijai do ngen Kristus. Ngen uku yakin bahwo api bae de kemacau pekerannu, bakea nukum Allah.

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

FILIFI 1:10

Ngen awei o udi namen miliak jano de baik, supayo udi sucai ngen coa ade cacet sapei bilai Kristus teko igai.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

FILIFI 2:12

Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade,

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

FILIFI 2:16

Samo bepegong pado firman kehidupan, kunyau uku dapet mbangga pado bilai Kristus bahwo uku coa percuma besamo ngen pepayeak.

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

2 TESALONIKA 1:11

Do'oba sebabne keme bogoa bedu'o utuk udi. Keme bedu'o supayo Allah menea udi patas utuk idup temurut kelok-Ne; utuk do; oba Si menok udi. Semoga Allah, ngen kuaso-Ne, kemabul keloknu utuk menea baik, ngen jemijai sempurno kute kerjo de udi nea kerno pecayo ngen Kristus.

2 TESALONIKA 3:4

Ngen keme pecayo penuak ngen Tuhan tetang udi, bahwo udi dong menea ngen uku bakea terus menea jano de keme pesen ngen udi.

FILEMON 1:21

Uku temulis su'et yo kerno yakin bahwo Saudaro bakea menea jano de uku minoi. Bahkan uku namen Saudaro bakea menea lebiak kunei o.

IBRANI 10:35

Kerno o, jibeakba putus asa, sebab amen udi tep pecayo, mako ade upeak de lai utuk do'o!

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.