FILIFI 1:3 - JANJAI BLAU Lem Bahaso Jang Bebilai

³ Tiep kilai uku tinget ngen udi, uku mucep syukur ngen Allah.

FILIFI 1:3 ပူးပေါင်းရင်းမြစ်များ

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

1 KORINTUS 1:4

Uku bogoa mucep syukur ngen Allahku kerno udi das anugerah Allah de nelei-Ne ngen udi lem Kristus Yesus.

1 TESALONIKA 3:9

Padeak laine asai mokasiak keme ngen Allah das kute keriang de keme meding neak adep-Ne kerno udi.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.