FILIFI 1:10 - JANJAI BLAU Lem Bahaso Jang Bebilai

¹⁰ Ngen awei o udi namen miliak jano de baik, supayo udi sucai ngen coa ade cacet sapei bilai Kristus teko igai.

FILIFI 1:10 ပူးပေါင်းရင်းမြစ်များ

MATIUS 16:23

Yesus kemliak Petrus ngen madeak, “Lalau kunei yo Iblis, koba temgeak Uku. Pekeran nu'o pekeran manusio, iso pekeran Allah!”

MATIUS 26:33

Petrus madeak ngen Yesus, “Kunyau kute de luyenne teminggea Bak, uku coa bakea perneak teminggea Bak!”

YOHANES 1:47

Yesus kemliak Natanael teko ngen Si, lajau madeak tetang Si, “Keliak, dioba suang tun Israel sejati; coa ade kepalsuan lemne!”

YOHANES 3:20

Sebab api bae de menea kidek, jengik te'ang ngen coa teko ngen te'ang'o, kunyau plepne de kidek'o coa keten.

KISAH RASUL-RASUL 24:16

Kerno o uku bogoa beusaho utuk idup, supayo atei nuraniku bersih teadep Allah ngen manusio.

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 12:9

Lokba kasih o jibeak pepurak! Ne'uakba de coa baik ngen neaba de baik.

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

ROMA 2:18

Saudaro namen ngen kelok-Ne, ngen kerno najea lem hukum agamo Yahudi, dapet namen jano de baik ngen jano de coa baik.

ROMA 7:16

Jijai amen uku nea jano de coa uku kenlok, uku tujau, bahwo hukum agamo Yahudi o baik.

ROMA 7:22

Sebab neak lem batin uku galok ngen hukum Allah,

ROMA 8:7

Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

1 KORINTUS 8:13

Do'o sebabne, amen kembuk yo Saudaroku jijai beduso, mako uku samo sekilai coa bakea mbuk daging igai. Sebab jibeak bae Saudaroku beduso kerno uku.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 6:3

Keme coa lok pelayanan keme senaleak, kerno o keme berusaho coa melei alasan ngen suang tun kulo utuk menea hal o.

2 KORINTUS 8:8

Uku madeak hal o iso sebagoi periteak, meluyen, ngen kemten usaho-usaho tun luyen utuk temulung, uku lok cemubo keikhlasan kasih udi.

GALATIA 5:11

Tetang uku, saudaro-saudaro, getai uku terus bae jijai musuak amen uku masiak melei namen bahwo peraturan sunat o perlu? Amen memang uku melei namen awei o, mako bito de uku semapai tetang salib Kristus coa jijai persoalan.

EFESUS 4:15

Sebelekne, ite harus bepegong ngen kebenaran neak lem kasiak, sehinggo lem kute hal ite tambeak an tambeak jijai sempurno awei Kristus, de jijai Pemipin ite.

EFESUS 5:10

berusahoba kemnal jano de semnang atei Tuhan.

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

EFESUS 6:24

Angerah Allah semerto kute tun, de mengasihi Tuhante Yesus Kristus ngen kasih de coa benaso. Hormat keme, Paulus

FILIFI 1:16

Tun-tun yo meneane kerno tobo'o mengasihi Allah ngen uku, sebab tobo'o namen bahwo Allah bi melei tugas ngen uku utuk melei bukti bahwo Bito Baik o benea.

FILIFI 1:6

Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

FILIFI 2:16

Samo bepegong pado firman kehidupan, kunyau uku dapet mbangga pado bilai Kristus bahwo uku coa percuma besamo ngen pepayeak.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

1 TESALONIKA 5:21

Kute sesuaktau harus nujai, ngen de baik harus tenotoa.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.