FILIFI 1:1 - JANJAI BLAU Lem Bahaso Jang Bebilai

¹ Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 1:1 ပူးပေါင်းရင်းမြစ်များ

MARKUS 13:34

Keadaanne awei suang de lalau, de teminggea umeakne ngen semrak tanggung jawab ngen pelayan-pelayanne. Masing-masing ngen tugasne, ngen periteak penjago bang supayo berjago-jago.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

KISAH RASUL-RASUL 1:20

“Sebab ade tetulis lem kiteb Mazmur: ‘Kunyauba penan tinggeane jijai sunyai, ngen kunyauba coa ade suang tun neak lem ne.’ Ngen: ‘Kunyauba jabatanne nemok tun luyen.’

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 9:13

Ananias jemawab, “Tuhan, uku sudo temi'uk dau tun miling tetang tun yo, te'utamo tetang penganiayaan-penganiayaan de si menea te'adep umat-Nu neak Yerusalem.

ROMA 1:1

Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

ROMA 1:7

Do'o sebabne uku temulis ngen udi. Semoga Allah Bapa ite ngen Tuhan Yesus melei berkat ngen sejahtera ngen udi.

1 KORINTUS 16:10

Amen Timotius teko, senambutba si ngen baik supayo si meraso tunggea neak antaro udi, sebab si awei uku kulo bekerjo utuk Tuhan.

2 KORINTUS 1:1

Saudaro-saudaro jemaat Allah neak Korintus ngen kute umat Allah neak kute Akhaya. Uku, Paulus, rasul Kristus Yesus, de naket das kelok Allah, besamo-samo ngen saudaro ite Timotius,

GALATIA 1:10

Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

GALATIA 3:26

Sebab udi kute adeba anok-anok Allah liwet imen neak lem Yesus Kristus.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

EFESUS 1:1

Umat Allah neak Efesus, de setia ngen Kristus Yesus!

EFESUS 1:15

Kerno o, sesudo uku temi'uk bahwo udi pecayo ngen Tuhan Yesus, ngen udi mengasihi kute umat Allah,

EFESUS 6:24

Angerah Allah semerto kute tun, de mengasihi Tuhante Yesus Kristus ngen kasih de coa benaso. Hormat keme, Paulus

FILIFI 2:19

Tapi lem Tuhan Yesus kuma'ep segro mbo Timotius ngenko, supayo tenang kulo ateiku kerno bito tetang udi.

FILIFI 2:5

Lokbah udi bejiwo awei Yesus Kristus:

FILIFI 3:12

Uku coa madeak bahwo uku bi berhasil, atau bi jijai sempurno. Tapi uku terus bae berusaho mbut hadiah de seniap Kristus Yesus. Utuk do'oba Si bi mbut uku ngen jemijai uku de Si temuan.

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,

1 TESALONIKA 1:1

Saudaro-saudaro jemaat neak Tesalonika, de jijai umat Allah Bapa ngen Tuhan Yesus Kristus: Keme, adeba Paulus, Silas ngen Timotius ma'ep Allah melei berkat, sejahtera ngen udi.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

2 TESALONIKA 1:1

Saudaro-saudaro jemaat neak Tesalonika, de jijai umat Allah Bapa te ngen Tuhan Yesus Kristus! Keme, adeba Paulus, Silas ngen Timotius.

2 TESALONIKA 1:10

Kutene o bakea tejijai pado bilai Si teko be utuk diagungkan umat-Ne ngen utuk hormat kute tun de pecayo. Udi kulo bakea ade neak antaro umat Allah o, sebab udi bi pecayo ngen bito de keme semapei ngen udi.

1 TIMOTIUS 3:8

Pekerjo luyenne harusba kulo tun de baik ngen tulus; coa mata duitan ngen coa galok menem anggur kembiak dau.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

FILEMON 1:1

Saudaro Filemon, kuat keme! Uku, Paulus, suang tahanan kerno Kristus Yesus, besamo ngen saudaro ite Timotius, temulis su'et yo ngen ko

IBRANI 13:23

Lokba udi namen bahwo saudaro ite Timotius bi bebas kunei sel. Amen si bi moi penan ite yo, uku bakea mbinne waktau uku semulau udi sudoyo.

YAKOBUS 1:1

Saudaro-saudaro umat Allah kutene de tesebea neak kute dunio! Salam kunei uku, Yakobus, hamba Allah ngen hamba Tuhan Yesus Kristus.

1 PETRUS 2:25

Bel'o udi awei bebirai de seset, tapi uyo udi bi nembin igai utuk temotoa Gembala ngen Pemelihara jiwonu.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:20

Dioba resio kunei tujuak bitang de udi kemliak neak tangen kanen-Ku, ngen kunei tujuak kekea lapu mas o: Tujuak bitang o adeba paro malaikat ketujuak jemaat, ngen tujuak kekea lapu o adeba ketujuak jemaat o.”

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 2:12

“Ngen Malaikat jemaat neak Pergamus, tulisba awei yo: Dioba pesen kunei Si de megong pedang tajem matai duai.

WAHYU 2:8

“Ngen malaikat jemaat neak Smirna, tulisba awei yo: Dioba pesen kunei Si de Pertamo ngen Terakhir – de sudo matei ngen idup igai.

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”