EFESUS 5:3 - JANJAI BLAU Lem Bahaso Jang Bebilai

³ Udi adeba umat Allah, sebab o, plep-plep kidek de coa patut, atau serakah, coa patas ade neak tengeak-tengeak udi. Jibeak sapei tun luyen temuan alasan utuk madeak bahwo udi menea hal-hal awei o.

EFESUS 5:3 ပူးပေါင်းရင်းမြစ်များ

MATIUS 15:19

Kerno kunei atei timboaba pekeran de kidek, ngen lok munuak, menea uleak ngen ngenyan tun, menea uleak kidek, maling, mengike tetang tun luyen ngen fitneak.

LUKAS 12:15

Sesudo'o, ngen kute tun de ade neak di Yesus madeak, “Atei-ateiba ngen waspadaba, jibeak sapei udi tamak. Sebab idup manusio coa tegatung kunei hokne, kunyau hokne kembiak dau.”

LUKAS 16:14

Tun-tun Farisi temi'uk kute de nadeak Yesus. Lajau tobo'o temawai-Ne, sebab tobo'o galok caci.

KISAH RASUL-RASUL 15:20

Tapi ite harus temulis su'et ngen tobo'o, supayo tobo'o meu'ak dirai kunei kembuk de sudo nelei ngen berhala-berhala, kunei percabulan, kunei daging benatang de matei ncit ngen kunei daleak.

KISAH RASUL-RASUL 20:33

Ati perneak uku lok caci atau keracok kunei suang kulo.

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

ROMA 16:2

Temimoba si sebagai saleak su'ang kunei umat Tuhan. Memang awei'oba tun-tun de pecayo ngen Allah harus temimo do ngen de luyen. Tulungba si, amen si perlu batuan kunei udi, kerno si su'ang bi temulung dau tun – termasuk uku.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

1 KORINTUS 10:8

Ite coa buliak menea hal-hal de kidek awei de nea pa'o kunei tobo'o. Sebab, duai puluak telau ribau tun kunei tobo'o matei lem debilai kerno menea hal o.

1 KORINTUS 5:1

Sebeneane uku bi temimo laporan bahwo neak antaronu ade perbuatan-perbuatan kidek de keliwet. Ade kunei antaro Saudaro de nga'em ngen indok tirine. Tun-tun de coa kemnal Allah kulo coa menea awei o!

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

1 KORINTUS 6:18

Neuakba perbuatan-perbuatan de kidek. Sebab kute duso luyen de nea tun, tejijai neak luea awok tun o. Tapi tun de menea perbuatan kidek, taine menea duso te'adep awokne suang.

2 KORINTUS 12:21

Uku khawatir bahwo amen uku teko igai, Allahku bakea merendeak uku neak adep udi ngen uku duko das dau tun de bel'o menea duso ngen ati tobat kunei de kotor, cabul, ngen hal-hal de kidek de tobo'o nea.

EFESUS 5:12

Sebab hal-hal de tobo'o nea seca'o bebunyin, utuk nadeak kulo bi selek.)

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

1 TIMOTIUS 2:10

Sebelekne, lokba selawei berias ngen plep-plep de baik awei de patut utuk selawei de beribadah ngen Allah.

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

1 TIMOTIUS 6:10

Kerno bogoa meker caci, timboa kute mecem kejahatan. Ade pa'o tun mesoa caci sehinggo bi coa temurut igai ajaran Kristen, lajau tobo'o keno dau penderitaan de majua atei tobo'o.

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

TITUS 1:11

Tun-tun awei o harus bibiane npem, sebab tobo'o kemacau dau keluargo ngen ajaran-ajaran de coa ade gunone. Tobo'o menea o cuma kerno lok mesoa utung de coa patas!

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

IBRANI 12:16

Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

1 PETRUS 5:2

Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.

2 PETRUS 2:10

khususne tun-tun de temurut kelok-kelok hawa nafsu tobo'o ngen de mino kuaso Allah. Kembiak binaine ngen sombongne gu'au-gu'au palsu o sehinggo tobo'o coa sesegan mino tobo makhluk de mulio neak surgo!

2 PETRUS 2:14

Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

WAHYU 2:14

Tapi awei yo ade kekedau hal de Uku coa senang kunei udi: Ade pa'o tun neak antaro udi de temotoa jano de najea Bileam. Bileam majea Balak awei ipe jemrumus umat Israel moi lem duso; ngen mbujuk tobo'o utuk mbuk kembuk de sudo seniap ngen patung, menea hal-hal de cabul.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.

WAHYU 9:21

Tobo'o coa kulo teminggea plep-plep kidekne, adeba munuak tun, lemau-lemau gaib, zinah ngen maling.