EFESUS 3:4 - JANJAI BLAU Lem Bahaso Jang Bebilai

⁴ Amen udi mbacone, udi dapet namen resio tetang Kristus awei de uku mahamne.

EFESUS 3:4 ပူးပေါင်းရင်းမြစ်များ

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

1 KORINTUS 4:1

Anggepba keme pelayan-pelayan Kristus, de betanggung jawab melei namen rencano-rencano Allah de ati dunio namen.

2 KORINTUS 11:6

Mukin uku ku'ang pacok miling, tapi tetang pengetahuan, uku iso tun de bodong. Do'o sudo keme melei bukti ngen udi lem kute hal.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

EFESUS 6:19

Ngen bedu'oba kulo utuk uku, supayo pado waktau uku miling, Allah melei ngen uku kecek-kecek de benea, supayo uku ngen binai melei namen resio Bito Baik o.

EFESUS 5:32

Resio o lai, tapi de uku maksud adeba hubungan Kristus ngen jemaat.

EFESUS 1:9

Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

LUKAS 8:10

Lajau Yesus jemawab, “Ngen ko nelei karunio utuk namen resio Allah meriteak sebagai Rajo, tapi ngen tun-tun luyen hal o nelei namen lem perumpamo, supayo kunyau kulo demnong, tobo'o coa kemliak ngen kunyau kulo temi'uk, tobo'o coa ngertai.”

1 TIMOTIUS 3:9

Tobo'o harus bepegong teguh ngen atei nurani de sucai pado ajaran kepercayaan Kristen de sudo Allah melei namen.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

EFESUS 3:3

Allah melei namen resio rencano-Ne ngen uku, awei de uku temulis neak das ngen siket.

EFESUS 3:9

ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio.

KOLOSE 1:26

Bito o adeba bito de selamo berabad-abad de bel'o coa Allah melei namen ngen kute tun, tapi uyo kenten-Ne ngen umat-Ne.