EFESUS 3:2 - JANJAI BLAU Lem Bahaso Jang Bebilai

² Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu.

EFESUS 3:2 ပူးပေါင်းရင်းမြစ်များ

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 13:46

Tapi ngen lebiak binai Paulus ngen Barnabas madeak, “Memang ngen udiba firman Allah harus nelei namen lebiak dute, tapi udi temulokne ngen manggep dirainu coa patas utuk dapet idup de kekal. Kerno'o keme moi ngen bangso-bangso luyen.

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

ROMA 11:13

Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

1 KORINTUS 4:1

Anggepba keme pelayan-pelayan Kristus, de betanggung jawab melei namen rencano-rencano Allah de ati dunio namen.

GALATIA 1:13

Paset udi bi temi'uk tetang idupku bel'o sebagai suang penganut agamo Yahudi. Udi namen awei ipe kejamne uku menea jemaat Allah ngen awei ipe uku berusaho majuane.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

EFESUS 3:7

Kunei Bito Baik o uku bi jijai pelayanne temurut pelei anugerah Allah, de nelei ngen uku liwet kuaso Allah de kerjo neak lem diraiku.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

EFESUS 3:9

ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio.

EFESUS 4:21

Udi bi temi'uk tetang Si. Ngen sebagoi penotoa-penotoa-Ne, udi bi najea kulo tetang sifet-sifet Allah de ade ngen-Si.

EFESUS 4:7

Ite memasing temimo anugerah temurut jano de nelei Kristus.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

1 TIMOTIUS 1:4

Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.