EFESUS 2:2 - JANJAI BLAU Lem Bahaso Jang Bebilai

² Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

EFESUS 2:2 ပူးပေါင်းရင်းမြစ်များ

MATIUS 11:19

Uyo Anok Manusia teko, Si mukmei ngen menem ngen tun-tun madeak, ‘Keliak tun'o! Rakus, pemabuk, kuat tukang penagiak pajak ngen tun beduso.’ Tapi kepacok Allah tebukti kunei asea-asea-Ne.”

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MATIUS 13:38

Kebun'o adeba dunio yo. Biniak de baik'o adeba tun-tun de bi jijai anggota umat Allah. Lalang'o adeba tun-tun de jijai golongan Iblis.

MARKUS 4:19

Tapi kwatir tetang idup tobo'o ngen lok idup senang. Nafsu utuk memecem hal masuk moi lem atei tobo'o. Kerno o bito kunei Allah telipit neak lem atei tobo'o, sehinggo coa bebuak.

LUKAS 16:8

Lajau tuan o mujai pegawaine de coa jujur o, kerno si bi betindak ngen pacok. Sebab anok-anok dunio yo lebiak coa jujur te'adep sesamone kunei pado anok-anok te'ang.”

LUKAS 22:31

“Simon, Simon, ti'uk! Iblis bi nelei izin utuk ngujai udi, awei gelpung cen'ei kunei kaleakne.

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

YOHANES 13:2

Ketiko tobo'o dong mukmei sesamo, Iblis bi misik rencano lem atei Yudas Iskariot, anok Simon, utuk mianat Yesus.

YOHANES 13:27

Sesudo Yudas temimo ruti o, si pasuk semat. Lajau Yesus madeak ngen si, “Jano de ko lok menea, menea ba segro.”

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 15:19

Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.

YOHANES 16:11

bahwo Allah sudo muloi mukum, sebab penguaso dunio yo bi nukum.

YOHANES 7:7

Dunio coa dapet jengik ngen udi, tapi si jengik Uku, sebab Uku saksai tetang si bahwo kerjo-kerjone kidek.

YOHANES 8:23

Lajau si madeak ngen tobo'o, “Udi berasal kunei beak, Uku kunei das. Udi kunei dunio yo; Uku iso kunei dunio yo.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

KISAH RASUL-RASUL 19:35

Tapi, sekretaris kota temnang tun dau'o ngen madeak, “Hoi tun Efesus! Api neak dunio yo decoa namen bahwo kota Efesusba de miaro baik umeak dewi Artemis de maha lai atau patungne de tu'un kunei lenget?

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

1 KORINTUS 5:10

De uku maksud iso selawei nakea, tamak, tukang meliut, tukang nyembeak patung de samo sekilai coa kemnal Allah. Maksud uku iso tobo'o; sebab amen udi harus meuak tobo'o, makao paset bae udi perlu kelua samo sekilai kunei dunio yo.

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

EFESUS 1:21

Kedudukan Kristus o uak lebiak lekat kunei kute pemeritek, penguaso, kuaso, kerajaan ngen tiep-tiep gen de dapet senbut, iso cuma neak dunio yo bae, meluyen kulo neak dunio de bakea teko.

EFESUS 2:11

Kerno o, tingetba bahwo bel'o udi adeba tun-tun iso Yahudi seca'o jasmani, de senbut tun-tun coa senunat ngen tobo'o de madeak diraine “senunat”, adeba sunat lahiriah de nea tangen manusio.

EFESUS 2:13

Tapi uyo, kerno udi jijai do ngen Kristus Yesus, udi de bel'o “uak”, bi jijai “pa'ok” ngen mateine Kristus.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

EFESUS 4:22

Sebab o tenanggeaba manusio an ngen pola idup an de gidong nusak ngen kelok-kelokne de seset.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

EFESUS 5:8

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang,

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

KOLOSE 1:21

Bel'o udi uak kunei Allah ngen jijai musuak-Ne kerno plep ngen pekeran kidek.

2 TIMOTIUS 4:10

kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 1:7

Tun de awei o coa tep pekeranne; si coa dapet mok keputusan jejano lem kute sesuaktau de neane. Kerno o, jibeak kulo si ma'ep utuk dapet jejano kunei Tuhan.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 4:3

Pado maso de sudo, udi sudo cukup an menea jano de galok nea tun-tun de coa kemnal Tuhan. Udi idup coa baik. Udi temurut hawa nafsu, memabuk, pesta fora, memenem ngen sembeak berhala seca'o janjing.

2 PETRUS 2:14

Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

1 YOHANES 4:4

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

1 YOHANES 5:4

Sebab kute Anok Allah sanggup maleak dunio. Ngen ite maleak dunio ngen imen ite

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 20:2

Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.