EFESUS 1:9 - JANJAI BLAU Lem Bahaso Jang Bebilai

⁹ Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

EFESUS 1:9 ပူးပေါင်းရင်းမြစ်များ

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

EFESUS 1:11

Uku madeak “neak lem Kristus”, kerno neak lem Siba keme nelei warisan – ite de kunei semulo bi niliak-Ne sesuoi ngen maksud Allah, de kemerjo kute sesuaktau temurut keputusan kelok-Ne –

EFESUS 3:11

Allah menea o sesuoi ngen rencano-Ne ngen perantara Kristus Yesus Tuhante.

GALATIA 1:12

Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

GALATIA 1:16

Allah melei bukti Anok-Ne ngen uku supayo Bito Baik tetang Anok-Ne dapet uku nelei namen ngen tun-tun iso Yahudi. Pado waktau o uku coa lalau ngen suang tun kulo utuk minoi nasihat.

KISAH RASUL-RASUL 13:48

Temi'uk'o riangba kute tun kunei bangso-bangso luyen, tobo'o memuliakan firman Tuhan; kute tun de tentau Allah utuk idup de kekal, jijai pecayo.

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

KISAH RASUL-RASUL 4:28

Tobo'o jijai do utuk menea kute sesuaktau, de sudo Ko temtau lebiak dute bahwo do'o bakea tejijai. Ngen Ko temtau do'o das kuaso ngen kelok-Nu suang.

KISAH RASUL-RASUL 2:23

Si de senreak Allah temurut maksud ngen rencano-Ne, sudo ko semalib ngen ko munuak liwet tangen bangso-bangso durhako.

LUKAS 2:14

“Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

GALATIA 1:15

Tapi kerno baikne atei Allah, Si miliak uku ayok uku laher ngen menok uku utuk melayan-Ne.

EFESUS 1:8

Si menea o kerno Si kebiak sayang ngen ite, ngen kasih o nelei-Ne ngen ite ngen penuak kebijaksanoan ngen pengertian.