EFESUS 1:4 - JANJAI BLAU Lem Bahaso Jang Bebilai

⁴ Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

EFESUS 1:4 ပူးပေါင်းရင်းမြစ်များ

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

KOLOSE 1:22

Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

KISAH RASUL-RASUL 13:48

Temi'uk'o riangba kute tun kunei bangso-bangso luyen, tobo'o memuliakan firman Tuhan; kute tun de tentau Allah utuk idup de kekal, jijai pecayo.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

FILIFI 2:15

Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

KISAH RASUL-RASUL 18:10

Kerno uku semerto ko ngen coa ade suang kulo de bakea menea de kidek ngen ko, kerno dau umat-Ku neak kota yo.”

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

YOHANES 10:16

Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

1 TESALONIKA 3:12

Semoga Tuhan menea udi tambeak mengasihi do ngen de luyen ngen tambeak mengasihi kute tun, sehinggo kasihnu o betambeak, serai awei kasih keme ngen udi.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

GALATIA 5:13

Saudaro bi nok utuk jijai tun de bebas. Tapi jibeakba makei kebebasannu o utuk bogoa menea jano bae de udi lok nea. Sebelekne, udi harus samo-samo mengasihi ngen samo-samo melayani.

ROMA 8:33

Api de bakea gemugat tun-tun piliak Allah? Allah, de benea tobo'o? Api de bakea mukum tobo'o?

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 24:22

Sekirone Allah coa semiket waktaune; mako coa ade suang kulo de selamat. Tapi kerno umat-Ne, Allah semiket maso'o.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

KISAH RASUL-RASUL 15:18

de sudo namen sejok semulo.’