3 YOHANES 1:6 - JANJAI BLAU Lem Bahaso Jang Bebilai

⁶ Tobo'o bi melei saksai neak adep jemaat tetang kasih udi. Tulungba tobo'o supayo dapet temrus pemaneu tobo'o, ngen do ca'o de semnang atei Allah.

3 YOHANES 1:6 ပူးပေါင်းရင်းမြစ်များ

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

KISAH RASUL-RASUL 15:3

Tobo'o nembes ngen jemaat sapei moi luea kota, lajau tobo'o paneu liwet Fenisia ngen Samaria, cemrito tetang pertobatan tun-tun iso Yahudi. Hal o kembiak semnang atei tun-tun de pecayo neak di.

KISAH RASUL-RASUL 21:5

Tapi sesudo liwet waktaune, keme berakat temrus pemaneu keme. Tobo'o kutene besamo-samo anok ngen ngenyanne mbes keme sapei moi luea kota. Neak pengger pantai keme sujut ngen bedu'o.

ROMA 15:24

Be amen liwet kotanu lem pemaneu uku moi Spanyol, uku ma'ep dapet temau ngen udi, beriang tegoa ngen udi. Sesudo'o uku ma'ep udi dapet temulung uku utuk pemaneuku moi Spanyol o.

2 KORINTUS 1:16

Sudo'o uku lok temrus pemaneuku moi Makedonia, lajau kunei Makedonia belek igai ngen udi, supayo udi temulung uku lem pemaneuku moi Yudea.

FILIFI 4:14

Tapi udi sudo temulung uku neak lem kesaro uku; ngen jano de udi nea o memang baik

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

TITUS 3:13

Berusahoba sungguak-sungguak utuk temulung Zenas, guau agamo o, ngen Apolos, supayo tobo'o nam berakat ngen coa kuang jejano.

1 PETRUS 2:20

Sebab jano istimewane amen udi sabar saro hukuman de seharusne udi temanggung kerno saleak? Tapi amen udi sabar temanggung saro kerno menea de baik, mako Allah bakea memberkatinu.

3 YOHANES 1:12

Kute tun mujai Demetrius, Allah kulo mujaine. Keme kulo mujaine, ngen saudaro namen bahwo jano de keme melei namen dapet saudaro pecayo.