2 TIMOTIUS 4:8 - JANJAI BLAU Lem Bahaso Jang Bebilai

⁸ Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

2 TIMOTIUS 4:8 ပူးပေါင်းရင်းမြစ်များ

MATIUS 24:36

“Coa gen de namen tengen bilaine yo ngen jamne, malaikat-malaikat neak surgo coa, ngen Anok Allah kulo coa, cuma Bak dewek de namen,

MATIUS 7:22

Pado Bilai Kiamat dau tun de bakea menggang ngen Uku, ‘Tuhan, Tuhan, keme bi semapei pesen Allah lem gen-Nu. Keme kulo bi musir setan serto made dau mujizat lem gen-Nu. Kemerjo periteak Allah demi gen-Nu? Musir setan demi gen-Nu, ngen menea mujizat demi gen-Nu kulo?’

LUKAS 10:12

Uku madeak ngen udi: pado Bilai Kiamat Sodom bakea lebiak mudeak napun Allah kunei pado tun kota o.”

ROMA 2:5

Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

ROMA 8:23

Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite.

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

1 KORINTUS 3:13

Kerjo tiep tun bakea keten be pado waktau Kristus teko igai. Sebab pado bilai o opoi bakea menea kerjo tiep-tiep tun bakea keten. Opoi bakea melei bukti baik coane kerjo o.

1 KORINTUS 9:25

Tiep tun de gidong latihan, tema'en dirai lem kute hal. Si menea o kerno si lok dapet hadiah. Hadiah o coa taen an. Tapi ite yo temaen dirai lem kute hal kerno ite lok hadiah de taen an.

2 KORINTUS 5:2

Selamo neak umeak de uyo yo, ite geruyam, kerno ite indau tinggea neak lem umeak ite de neak surgo.

FILIFI 3:11

Ngen uku ma'ep bahwo uku suang bakea nidup igai kunei matei.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

1 TESALONIKA 5:4

Tapi udi, Saudaro-saudaro, udi coa idup neak lem kelem sehinggo bilai o tetibo magea ko awei suang risau.

2 TESALONIKA 2:8

tembeiba keten Manusio Jahat o. Mako amen Tuhan Yesus teko, Si bakea munuak Manusio Jahat o ngen nyabai kunei bibia-Ne, ngen binasone ngen ca'o kemten dirai-Ne pado waktau Si teko.

1 TIMOTIUS 6:19

Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

2 TIMOTIUS 1:18

Ngen uku namen bahwo neak Efesus si dau nien temulung uku. Semoga Tuhan melei rahmatne ngen si pado bilai Tuhan mukum kute umat manusio.

2 TIMOTIUS 2:5

Suang olahragawan coa bakea jijai juaro neak lem pertandingan, amen si coa taat ngen peraturan-peraturan.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 12:11

Memang pado waktau ite najea, hukuman o coa semnang atei ite, meluyen cuma menea ibo bae. Tapi sesudo'o, utuk ite de sudo najea, hukuman o jijai sebab ite idup temurut kelok Allah, menea perasaan sejahtera utuk ite.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 PETRUS 1:4

Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!

WAHYU 4:10

keduai puluak pat pemipin o tukup neak adep tun de temot neak takhta o, lajau nyembeak Si de idup selamo-lamone. Sesudo'o tobo'o muang mahkota-mahkota tobo'o neak adep takhta o serto madeak,

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.