2 TIMOTIUS 4:5 - JANJAI BLAU Lem Bahaso Jang Bebilai

⁵ Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

2 TIMOTIUS 4:5 ပူးပေါင်းရင်းမြစ်များ

MATIUS 25:16

Pelayan de temimo lemo caci mas segro lalau jagea, lajau dapet utung lemo ribau caci mas igai.

MARKUS 13:34

Keadaanne awei suang de lalau, de teminggea umeakne ngen semrak tanggung jawab ngen pelayan-pelayanne. Masing-masing ngen tugasne, ngen periteak penjago bang supayo berjago-jago.

MARKUS 13:37

Jano de Kunadeak ngen udi, Uku madeak ngen kute tun: bejago-jagoba!”

LUKAS 12:37

Bahagiaba pelayan-pelayan de tuanne kemliak bejago-jago waktau si teko. Uku madeak ngen udi: sesungguakne si bakea meket pinggangne ngen meluak tobo'o temot mukmei, ngen si bakea teko mlayan tobo'o.

KISAH RASUL-RASUL 21:8

Menne keme berakat kunei di ngen sapei neak Kaisarea. Keme masuk moi umeak Filipus, tukang semiar Bito Baik'o, adeba saleak suang kunei ketujuak tun de niliak neak Yerusalem, ngen keme tinggea neak umeakne.

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

EFESUS 4:11

Siba de melei pelei-pelei ngen manusio, pa'o naket-Ne jijai rasul, de luyen jijai nebai, de luyen igai jijai tukang melei Bito Baik o, ngen de luyenne naket-Ne kulo jijai gu'au-gu'au ngen gembala-gembala.

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

KOLOSE 1:25

Allah meluak uku jijai pelayan jemaat-Ne utuk kepentingannu. Uku harus semapei bito kunei Allah kutene.

KOLOSE 4:17

Ngen melei namen Arkhipus, “Semleseiba tugas de nelei ngen ko guno mlayan Tuhan.”

1 TESALONIKA 5:6

Sebab o ite coa buliak tidua bae awei tun luyen. Ite harus waspada ngen pekeran te harus te'ang.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 4:15

Kerjoba kutene o ngen sungguak-sungguak supayo kemajuannu kenliak kute tun.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

2 TIMOTIUS 2:3

Ko harus milau saro sebagai prajurit Kristus Yesus de setia.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

WAHYU 3:2

Sebab o, kelongonba, kenuetba jano de masiak ade ngen udi ayok do'o matei samo sekilai. Sebab uku dapet bahwo jano de udi nea, ati ade do kulo de sempurno neak adep Allah.