Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTIUS 4:18 - JANJAI BLAU Lem Bahaso Jang Bebilai

18 Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.

အခန်းကိုကြည့်ပါ။ ကော်ပီ




2 TIMOTIUS 4:18
40 ပူးပေါင်းရင်းမြစ်များ  

Ngen tun-tun de menea kelok Allah bakea besinea awei matai bilai neak lem Dunio Belau Allah, Bak tobo'o. Jijai amen temuan tiuk, tiukba!”


Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.


Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’


Ngen napunba duso keme, sebab keme kulo mapun setiep tun de besaleak ngen keme. Ngen jibeakba munyau kepercayaan keme nyep, waktau keme cenubo.’ ”


“Jibeakba saben, hoi udi jumlahnu titik! Kerno Bapanu bi senang melei udi Kerajaan o.


Ngen Uku temtau hok-hok Kerajaan bagiak udi, serai awei Bapa-Ku temtaune bagiak-Ku.


Uku coa minoi, supayo Ko mok tobo'o kunei dunio, tapi supayo Ko jemago tobo'o kunei de kidek.


Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.


Siba do-done Allah, Si mahabijaksana. Semoga Si jenunjung selamo-lamone liwet Yesus Kristus! Amin. Hormat keme, Paulus, hamba Kristus Yesus


Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.


Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.


Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.


Allah bi ngen bakea semlamat keme kunei matei de kebiak ngeri: Ngen-Si keme mpek harapan keme bahwo Si bakea semlamat keme igai.


Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.


Tapi Tuhan setia. Si bakea kemuet udi ngen jemago udi kunei Si de kidek.


Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.


Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.


Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.


Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:


Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.


Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.


Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.


Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.


Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.


Kristus adeba de bekuaso sapei selamo-lamone! Amin.


Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.


Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.


Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ