2 TIMOTIUS 4:17 - JANJAI BLAU Lem Bahaso Jang Bebilai

¹⁷ Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

2 TIMOTIUS 4:17 ပူးပေါင်းရင်းမြစ်များ

MATIUS 10:19

Amen udi nembin utuk nadeak, jibeakba udi temes tetang jano de bakea udi madeak, atau awei ipe udi miling. Sebab jano de harus udi madeak'o bakea nelei namen ngen udi pado waktaune.

LUKAS 1:1

Teofilus de mulio, Dau tun bi berusaho semusun bito tetang kejijai-kejijai de bi tejijai neak antaro ite.

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

KISAH RASUL-RASUL 23:11

Pado malem menne Tuhan teko je neak depeakne ngen madeak ngen si, “Teguakba ateinu, Ko bi melei saksainu tetang Uku neak Yerusalem. Be ko harus melei saksai o neak Roma.”

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 15:31

Bedu'oba supayo Allah mbebas uku kunei tangen tun-tun de coa pecayo neak Yudea, ngen supayo tugas uku utuk mbin sumbangan moi Yerusalem tenimo ngen riang atei ngen umat Allah neak di.

2 KORINTUS 12:9

Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

2 TIMOTIUS 2:1

Timotius, anokku! Lokba ko jijai kuet ngen rahmat de nelei ngen ite, kerno ite jijai do ngen Kristus Yesus.

2 TIMOTIUS 2:9

Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

2 TIMOTIUS 3:11

Ko bi kemliak uku senikso ngen uku saro. Ko namen kute de tejijai te'adep uku neak Antiokhia, neak Ikonium, ngen neak Listra. Ko namen kute de uku meding saro. Tapi Tuhan semlamat uku kunei kutene o.

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

TITUS 1:3

Pado waktau de tepat, Allah melei janjaine o lem pesen-Ne. Pesen o bi senapei ngen uku, ngen uku melei namenne das periteak Allah Penyelamat ite.

IBRANI 11:33

Kerno berimen, mako tobo'o sudo maleak rajo-rajo. Tobo'o menea jano de benea, sehinggo temimo jano de jenanjai Allah. Tobo'o temutup bibia-bibia jegau.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,