2 TIMOTIUS 3:5 - JANJAI BLAU Lem Bahaso Jang Bebilai

⁵ Seca'o lahiriah tobo'o maneu kewajiban agamo, tapi temulok inti kunei agamo o suang. Ne'uakba tun-tun de awei o.

2 TIMOTIUS 3:5 ပူးပေါင်းရင်းမြစ်များ

MATIUS 7:15

“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

2 TESALONIKA 3:14

Amen ade tun de coa lok temi'uk jano de keme nadeak lem su'et yo. Waspadaba te'adep tun awei o ngen jibeak begaul ngen si supayo si selek.

2 TESALONIKA 3:6

Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.

1 TIMOTIUS 4:7

Ne'uakba cerito-cerito takhayul de coa beguno. Lokba ko latih dirainu utuk beribadah.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

1 TIMOTIUS 5:8

Tapi amen ade tun de coa murus sanok Saudarone, jano igai tun-tun neak umeakne, tun o murtad, si lebiak kidek kunei tun de pecayo.

1 TIMOTIUS 6:5

ngen selisiak de coa sudo-sudone. Dalen pekeran tun-tun o bi kepak ngen coa benea igai. Sako tobo'o nam kayo kunei agamo.

2 TIMOTIUS 2:16

Ne'uakba kecek-kecek de coa ade gunone ngen de mino Allah. Kecek-kecek de awei o cuma menea tun tambeak jahat.

2 TIMOTIUS 2:23

Jibeakba milau lem selisiak tun-tun bodong de coa namen jejano. Ko namen bahwo kute o cuma jijai tekea.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

TITUS 3:10

Tun de menea selisiak lem jemaat, lokba ko tema'ok debat duai kilai; sesudo'o jibeakba igai kuat ngen si.