2 TIMOTIUS 3:15 - JANJAI BLAU Lem Bahaso Jang Bebilai

¹⁵ Tingetba kulo bahwo kunei titik ko bi kemnal Kiteb Sucai. Kiteb Sucai o dapet melei ngen ko pengertian utuk dapet keselamatan liwet imen ngen Kristus Yesus.

2 TIMOTIUS 3:15 ပူးပေါင်းရင်းမြစ်များ

LUKAS 24:45

Lajau Si mukok pekeran tobo'o, sehinggo tobo'o ngertai Kiteb Sucai.

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

MATIUS 22:29

Yesus jemawab, “Udi kembiak keliru, sebab ko coa ngertai kiteb awei'o kulo kuaso Allah.

2 TIMOTIUS 1:5

Uku tinget ngen kepercayaannu de sungguak-sungguak ngen Kristus, serai awei kepercayaan niniknu Lois ngen indoknu Eunike. Ngen uku yakin ko kulo pecayo awei o.

LUKAS 2:40

Anok'o be tambeak lai ngen kuet, penuak hikmat, ngen anugrah Allah ade pado-Ne.

ROMA 16:26

Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah.

ROMA 1:2

Bito Baik o sudo jenanjai-Ne ayokne liwet nebai-nebai-Ne lem Kiteb Sucai.

KISAH RASUL-RASUL 10:43

Tetang Siba kute nebai besaksai ngen-Si, bakea dapet apun liwet gen-Ne.”

LUKAS 24:32

Nadeak tobo'o suang ngen de luyen, “Ateiku memang denyam-denyam ketiko Si miling ngen ite neak tengeak dalen ngen ketiko Si tem'ang Kiteb Sucai ngen ite?”

KISAH RASUL-RASUL 17:2

Awei biasone Paulus masuk moi umeak semyang o. Telau bilai Sabat beturut-turut si madeak ngen tobo'o ayat-ayat kunei Kiteb Sucai.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

KISAH RASUL-RASUL 13:29

Sesudo tobo'o gemnep kutene de tetulis tetang Si, tobo'o temuun Si kunei kieu salib, lajau gemulek-Ne neak lem kubua.

2 PETRUS 3:16

Lem kute su'etne, Paulus bogoa temulis tetang hal o. Memang ade kekedau hal de saro tun ngertai lem su'et-su'et o. Bagian su'et o nutea ngen tun-tun de coa namen jejano, de coa kuet imenne. Hal o coa menea tun sele, kerno bagian-bagian luyen kunei Kiteb Sucai nea awei'o kulo ngen tobo'o. Jano de tobo'o nea o cuma menea tobo'o benaso.

LUKAS 1:15

Sebab si bakea lai neak adep Tuhan ngen si coa bakea menem anggur-anggur ngen menem de luyen ngen si bakea penuak ngen Roh Sucai ayok kunei kandungan makne ngen.

YOHANES 5:47

Tapi amen udi coa pecayo ngen jano de tenulisne, awei ipe udi bakea pecayo ngen jano de Uku madeak?”

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

KISAH RASUL-RASUL 26:24

Sementaro Paulus madeak kutene o utuk mbela diraine, Festus madeak ngen sa'ei lek, “Ko gilo, Paulus! Lemaunu de dau o menea ko gilo.”

ROMA 2:27

Amen awei o, mako tun de coa senunat, tapi kemerjo hukum agamo Yahudi, bakea mukum udi de temuan hukum tetulis ngen sunat, tapi de melanggea hukum agamo Yahudi.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

EFESUS 6:4

Ngen udi, Bapok-Bapok, jibeakba menea anok-anoknu jijai mengiak lem ateine, tapi najeaba tobo'o neak lem ajaran ngen nasihat Tuhan.

1 TIMOTIUS 4:13

Sementaro o, sapei uku teko be, ko harus sungguak-sungguak mbaco Alkitab ngen tun-tun ngen majeane.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.