2 TIMOTIUS 3:10 - JANJAI BLAU Lem Bahaso Jang Bebilai

¹⁰ Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

2 TIMOTIUS 3:10 ပူးပေါင်းရင်းမြစ်များ

LUKAS 1:3

Kerno o, sesudo uku semlidik kute kejijai o ngen benea kunei asal mulone, uku mok putusan utuk temulis debuak laporan de teratur utuknu.

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 2:42

Tobo'o tekun lem pengajaran rasul-rasul ngen bogoa bekopoa sesamo. Tobo'o mukmei sesamo ngen bedu'o sesamo.

KISAH RASUL-RASUL 20:18

Ketiko tobo'o sapei, Paulus madeak ngen tobo'o, “Udi namen awei ipe uku idup selamo yo neak antaro udi sejok bilai pertamo uku sapei neak Asia.

KISAH RASUL-RASUL 26:4

Kute tun Yahudi namen dalen idupku sejok maso u'aiku, kerno uku bi idup neak antaro bangsoku suang neak Yerusalem.

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

2 KORINTUS 1:17

Jijai, jano uku ngen awei o bae menea rencano o? Atau jano uku menea rencano o temurut kelokku suang, sehinggo tun nam madeak ngen diraiku ade “Au” ngen “Coa”?

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

FILIFI 2:20

Cumo Timotiusba dedone tun de do jiwo ngen uku, ngen sungguak-sungguak meker kebahagiannu.

FILIFI 2:22

Udi suang sudo kemliak buktine bahwo Timotius beguno. Si bi kerjo benek besamo uku utuk melei namen Bito Baik kunei Allah. Keme beduai awei anok ngen bapok bae.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

1 TIMOTIUS 1:3

Uku lok supayo ko tep tinggea neak Efesus awei de sudo uku demsok ko pado waktau ko lalau moi Makedonia. Sebab, neak Efesus ade kekedau tun de sembea ajaran de coa benea, ko harus mdan tobo'o.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

1 TIMOTIUS 6:11

Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

2 TIMOTIUS 4:3

Sebab bakea sapei waktaune tun coa lok igai temimo ajaran de benea. Sebelekne, tobo'o bakea temotoa kelokne suang, ngen melungguk dau gu'au utuk najea hal-hal de baik teni'uk tobo'o.

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

2 PETRUS 3:11

Kerno kutene o bakea najua ngen ca'o de awei'o, awei ipe seharusne udi idup? Udi harus idup sucai ngen khusus utuk Allah,