2 TIMOTIUS 2:9 - JANJAI BLAU Lem Bahaso Jang Bebilai

⁹ Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

2 TIMOTIUS 2:9 ပူးပေါင်းရင်းမြစ်များ

LUKAS 23:32

Ngen ade kulo ni'ing duai tun luyen, adeba duai penjahat utuk nukum matei sesamo ngen Si.

KISAH RASUL-RASUL 21:33

Pemipin pasukan o ma'ok Paulus, temakepne ngen meluak meket si ngen duai ratoi, lajau betanye api si, jano de sudo neane.

KISAH RASUL-RASUL 28:31

Ngen binai si melei namen ngen tobo'o tetang awei ipe Allah meriteak sebagoi Rajo ngen tetang Tuhan Yesus Kristus.

KISAH RASUL-RASUL 9:16

Uku suang bakea temunjuk ngensi kute penderitaan de harus si tanggung kerno Uku.”

EFESUS 3:1

Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi.

FILIFI 1:17

Tapi tun luyen melei namen Kristus ngen maksud de coa baik; tobo'o melei namen utuk kepetinganne suang. Ngen o tobo'o ma'ep dapet menea uku lebiak saro neak lem sel.

FILIFI 1:7

Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

KOLOSE 4:18

Salam kunei uku, Paulus. Uku suang de temulis bagian yo. Jibeak coa tinget bahwa uku masiak neak lem sel! Semoga Tuhan memberkati udi. Hormat keme, Paulus

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

1 TESALONIKA 1:8

Sebab muloi kunei udi, bito tetang Tuhan bi tesebea sapei moi Makedonia ngen Akhaya. Ngen iso cuma do'o bae; bahkan bito tetang awei ipe udi pecayo ngen Allah bi sapei moi ipe bae, sehinggo keme coa perlu igai madeak jejano.

2 TESALONIKA 3:1

Selanjutne, Saudaro-saudaro, bedu'oba utuk keme. Bedu'oba supayo bito kunei Tuhan dapet terus tesebea ngen gacang ngen tenimo ngen baik, serai awei de sudo tejijai ngen udi bel'o.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

2 TIMOTIUS 1:16

Tapi keluargo Onesiforus bi kekedau kilai semnang ateiku. Semoga Tuhan melei rahmatne ngen keluargo Onesiforus. Kunyau uku neak lem sel, Onesiforus coa selek ngen keadaan uku o.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

2 TIMOTIUS 2:3

Ko harus milau saro sebagai prajurit Kristus Yesus de setia.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 2:14

atau ngen gubernur de tenunjuk Kaisar utuk mukum tun de menea jahat ngen utuk hormat tun de menea baik.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.

1 PETRUS 4:15

Jibeakba suang kulo kunei antaro udi menderita kerno si tukang munuak tun, atau risau, atau penjahat, atau kerno si cemapua urusan tun luyen.