2 TIMOTIUS 2:26 - JANJAI BLAU Lem Bahaso Jang Bebilai

²⁶ Ngen awei o tobo'o jijai sadar igai, ngen bebas kunei perangkap Iblis de sudo temaen tobo'o ngen makso tobo'o motoa kelokne.

2 TIMOTIUS 2:26 ပူးပေါင်းရင်းမြစ်များ

LUKAS 11:21

Amen suang de kuet ngen de lekep senataine jemago umeakne suang, mako amanba kute hokne.

LUKAS 15:17

Lajau si sadar ngen madeak, ‘Tun-tun de bekerjo pado bakku kembiak dau kembukne, ngen uku neak yo gesea matei kenyemen!’

LUKAS 5:10

Awei o kulo Yakobus ngen Yohanes, anok-anok Zebedeus, de jijai kuat Simon. Yesus madeak ngen Simon, “Jibeak saben, muloi kunei uyo ko bakea jemalai manusio.”

YOHANES 13:2

Ketiko tobo'o dong mukmei sesamo, Iblis bi misik rencano lem atei Yudas Iskariot, anok Simon, utuk mianat Yesus.

YOHANES 13:27

Sesudo Yudas temimo ruti o, si pasuk semat. Lajau Yesus madeak ngen si, “Jano de ko lok menea, menea ba segro.”

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

2 KORINTUS 2:11

Uku menea o supayo Iblis jibeak mok kesempatan utuk kemuaso ite; sebab ite namen rencano-rencanone.

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

1 TIMOTIUS 1:20

Neak antarone adeba Himeneus ngen Aleksander. Keduai tun o bi uku mukum ngen semreakne ngen Iblis, supayo tobo'o belajea utuk je'o mino Allah.

1 TIMOTIUS 3:7

Si harusba tun de temuan gen baik lem masyarakat; sebab amen si awei o, mako si bakea nino tun, sehinggo us moi lem perangkap Iblis.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.