2 TIMOTIUS 2:21 - JANJAI BLAU Lem Bahaso Jang Bebilai

²¹ Tun de mersi awokne kunei kute de kidek, tun o bakea nakei utuk keperluan istimewa. Si jijai de khusus ngen beguno bagiak tuanne. Si seniap utuk nakei bagiak tiep kerjo de baik.

2 TIMOTIUS 2:21 ပူးပေါင်းရင်းမြစ်များ

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

1 KORINTUS 5:7

Nuangba kileak agai de an o, adeba agai duso supayo Saudaro jijai adonan de blau, awei ipe Saudaro memang coa be agai. Sebab anok bebirai Paskah ite adeba Kristus? Bersih kunei agai duso de an, uku namen bahwo udi memang awei o. Sebab, perayaan Paskah ite bi siap, kerno Kristus de bi jijai sebagai domba Paskah ite, bi kenubua.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

2 KORINTUS 9:8

Allah bekuaso melei ngen udi berkat de kebiak dau, supayo udi temuan jano de udi perlu, bahkan udi bakea dapet lebiak utuk menea baik ngen beramal.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

1 TIMOTIUS 6:11

Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

2 TIMOTIUS 2:16

Ne'uakba kecek-kecek de coa ade gunone ngen de mino Allah. Kecek-kecek de awei o cuma menea tun tambeak jahat.

2 TIMOTIUS 2:20

Neak lem umeak de lai ade memecem perabot. Ade de nea kunei pirok atau emas, tapi ade kulo de nea kunei kieu atau pitok. Ade de nakei utuk keperluan istimewa, ade kulo de nakei utuk keperluan biaso.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

2 TIMOTIUS 4:11

Cuma Lukas de tinggea ngen uku. Mapetba Markus ngen mbin si besamonu, sebab si dapet temulung lem pekerjaanku.

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

TITUS 3:14

Tun-tun ite harus belajea menea hal-hal de baik supayo dapet cemukup kebutuhan-kebutuhan; jibeak sapei tobo'o idup coa ade gunone.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.