2 TIMOTIUS 2:20 - JANJAI BLAU Lem Bahaso Jang Bebilai

²⁰ Neak lem umeak de lai ade memecem perabot. Ade de nea kunei pirok atau emas, tapi ade kulo de nea kunei kieu atau pitok. Ade de nakei utuk keperluan istimewa, ade kulo de nakei utuk keperluan biaso.

2 TIMOTIUS 2:20 ပူးပေါင်းရင်းမြစ်များ

YOHANES 8:49

Jawab Yesus, “Uku coa pasuk semat. Tapi Uku mego Bapa-Ku ngen udi coa mego Uku.

ROMA 9:20

Api ko, hoi manusio, mako udi membantah Allah? Jano dapet de nea madeak ngen de meneanne, “Getai ko menea uku awei yo?”

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

EFESUS 2:22

Neak lem Si udi kulo dong ten gok jijai Penan Allah, neak lem Roh-Ne.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.