2 TIMOTIUS 2:14 - JANJAI BLAU Lem Bahaso Jang Bebilai

¹⁴ Lokba ko minget tun-tun tetang kutene yo. Neak adep Allah, meleiba nasihat ngen tobo'o supayo jibeak tekea tetang istilah-istilah. Do'o coa ade gunone, malah cuma kemacau tun-tun de temi'ukne.

2 TIMOTIUS 2:14 ပူးပေါင်းရင်းမြစ်များ

MATIUS 16:26

Jano utungne bagiak tun suang amen kute dunio yo ijai si de temuanne. Tapi si kelnyep idupne? Dapet coa idup'o tenukar ngen jano bae?

KISAH RASUL-RASUL 13:10

Paulus madeak, “Hoi anok Iblis, ko penuak ngen memecem tipu muslihat ngen kejahatan, ko musuak kute kebenea, ko coa bakea bedan musak ajaran Yesus de lu'us'o?

KISAH RASUL-RASUL 15:24

Keme bi temi'uk bahwo ade kekedau tun neak antaro keme, de coa dapet pesen kunei keme, bi menea keme liseak ngen menea keme bingung ngen ajaran tobo'o.

ROMA 14:1

Temimoba tun de lemah imenne ngen coa bogoa madeak pendapetne.

GALATIA 1:7

de sebeneane iso Bito Baik. Cuma ade tun de kemacau udi ngen maksudne utuk nutea belek Bito Baik Kristus.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

2 TESALONIKA 3:6

Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.

1 TIMOTIUS 1:4

Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

1 TIMOTIUS 1:6

Ade pa'o tun de sudo coa idup awei o igai, ngen sesat lem perdebatan-perdebatan de coa ade gunone.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

2 TIMOTIUS 1:6

Sebab o uku minget ko utuk midup karunio de nelei Allah ngen ko pado waktau uku pek tangenku moi dasnu.

2 TIMOTIUS 2:16

Ne'uakba kecek-kecek de coa ade gunone ngen de mino Allah. Kecek-kecek de awei o cuma menea tun tambeak jahat.

2 TIMOTIUS 2:23

Jibeakba milau lem selisiak tun-tun bodong de coa namen jejano. Ko namen bahwo kute o cuma jijai tekea.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

2 PETRUS 1:13

Selamo uku masiak idup, uku meraso wajib minget udi tetang hal-hal tesebut.