2 TIMOTIUS 2:11 - JANJAI BLAU Lem Bahaso Jang Bebilai

¹¹ Sungguak benea kecek yo, “Amen ite bi matei besamo Si, ite bakea idup kulo besamo Si.

2 TIMOTIUS 2:11 ပူးပေါင်းရင်းမြစ်များ

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

ROMA 6:5

Sebab amen ite bi jijai do ngen jano de serai ngen kematian-Ne, ite kulo bakea jijai do ngen jano de serai ngen idup-Ne igai.

ROMA 6:8

Jijai amen ite bi matei ngen Kristus, ite pecayo, bahwo ite bakea idup kulo ngen Si.

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 4:10

Keme bogoa mbin mateine Kristus neak lem awok keme, supayo idup Yesus kulo jijai nyato neak lem awok keme.

1 TESALONIKA 4:17

Sesudo'o, ite de masiak idup pado waktau o bakea besamo-samo naket ngen tobo'o lem embun-embun utuk temau ngen Tuhan neak udaro. Lajau ite bakea tinggea ngen Tuhan selamone.

1 TESALONIKA 5:10

Si matei utuk ite supayo pado waktau Si teko be – teak ite masiak idup, teak ite bi matei – ite dapet idup besamo Si.

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 TIMOTIUS 3:1

Beneaba kecek yo, “Tun de lok kerjo utuk jemaat lok pekerjaan de mulio.”

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.