2 TIMOTIUS 2:1 - JANJAI BLAU Lem Bahaso Jang Bebilai

¹ Timotius, anokku! Lokba ko jijai kuet ngen rahmat de nelei ngen ite, kerno ite jijai do ngen Kristus Yesus.

2 TIMOTIUS 2:1 ပူးပေါင်းရင်းမြစ်များ

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

EFESUS 6:10

Akherne, lokba udi kuet neak lem Tuhan, neak lem kekuatan kuaso-Ne.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

1 TIMOTIUS 1:18

Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.

2 TIMOTIUS 1:7

Sebab Allah melei ngen ite iso Roh de menea ite jijai saben. Sebelekne Roh Allah o menea ite jijai kuet, penuak kasiak ngen tertib.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.