2 TIMOTIUS 1:8 - JANJAI BLAU Lem Bahaso Jang Bebilai

⁸ Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

2 TIMOTIUS 1:8 ပူးပေါင်းရင်းမြစ်များ

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 9:26

Amen tun selek makau Uku ngen kecek-Ku, Anok Manusio kulo bakea selek makau tun o pado waktau Si teko igai ngen kuaso-Ne, ngen kuaso Bapa serto kuaso malaikat-malaikat de sucai!

YOHANES 15:27

Tapi udi kulo arus saksai, kerno udi kunei dutene sesamo ngen Uku.

YOHANES 19:35

Tun de kemliak suang hal o de besaksai ngen saksaine benea, ngen si namen bahwo si madeak de benea, supayo udi kulo pecayo.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

ROMA 8:36

Awei ade tetulis: “Kerno Ko, keme ade lem bahayo maut selamone. Keme bi nanggap sebagai kurban-kurban sembeliak.”

ROMA 9:33

Awei ade tetulis: “Sesungguakne, Uku mpek neak Sion debueak butau de menea tun jijai tebtut, ngen api de pecayo ngen Si, coa bakea selek.”

1 KORINTUS 1:6

Do'o kemten bahwo bito tetang Kristus de bi ade neak antaro udi,

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

EFESUS 3:1

Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi.

EFESUS 3:13

Sebab o, uku minoi ngen udi, jibeakba khawatir tetang kesaroku kerno udi, sebab kutene o utuk kebaikannu.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

FILIFI 1:7

Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

KOLOSE 1:11

Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

1 TESALONIKA 3:4

Pado waktau keme masiak besamo udi, keme bi melei namen ngen udi lebiak dute bahwo ite bakea saro. Ngen do'o benea-benea bi tejijai; udi suang namen.

1 TIMOTIUS 2:6

Si suang manusio de sudo semreak dirai-Ne utuk mbebas kute tun kunei duso-duso tobo'o. Ngen o Allah kemten pado waktau de tepat, bahwo Si lok kunyau kute tun senlamat.

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

2 TIMOTIUS 1:16

Tapi keluargo Onesiforus bi kekedau kilai semnang ateiku. Semoga Tuhan melei rahmatne ngen keluargo Onesiforus. Kunyau uku neak lem sel, Onesiforus coa selek ngen keadaan uku o.

2 TIMOTIUS 2:3

Ko harus milau saro sebagai prajurit Kristus Yesus de setia.

2 TIMOTIUS 2:8

Tingetba hal yo: Bito Baik de uku melei namen o adeba bito tetang Yesus Kristus, royot Daud; Siba Kristus de sudo idup igai kunei matei.

2 TIMOTIUS 2:9

Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.