2 TIMOTIUS 1:7 - JANJAI BLAU Lem Bahaso Jang Bebilai

⁷ Sebab Allah melei ngen ite iso Roh de menea ite jijai saben. Sebelekne Roh Allah o menea ite jijai kuet, penuak kasiak ngen tertib.

2 TIMOTIUS 1:7 ပူးပေါင်းရင်းမြစ်များ

LUKAS 10:19

Sesungguakne Uku bi melei kuaso ngen udi utuk melat dung ngen kalo ngen kuaso utuk tema'en kuet tenago musuak, sehinggo coa ade de bakea cemelako udi.

LUKAS 15:17

Lajau si sadar ngen madeak, ‘Tun-tun de bekerjo pado bakku kembiak dau kembukne, ngen uku neak yo gesea matei kenyemen!’

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

LUKAS 8:35

Lajau tun-tun keluea utuk kemliak jano de tejijai. Tobo'o teko ngen Yesus, neak di tobo'o temau tun de sudo telepas kunei roh-roh kidek o gidong temot pa'ok kekea Yesus. Si sudo makei bajau ngen pekeranne sudo ka'en. Tobo'o jijai saben.

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 21:13

Tapi Paulus jemawab, “Getai udi ngindoi, sehinggo menea ateiku ajua? Kerno uku yo rela iso bae utuk neket, tapi kulo utuk matei neak Yerusalem demi gen Tuhan Yesus.”

KISAH RASUL-RASUL 26:11

Neak lem umeak-umeak semyang uku awit semikso tobo'o ngen makso tobo'o utuk muker kepercayaanne. Kebiak panes ateiku teadep tobo'o sapei uku jemalang tobo'o, bahkan sapei moi kota-kota luyen.”

KISAH RASUL-RASUL 26:25

Tapi Paulus jemawab, “Uku coa gilo, Festus de mulio! Sebelekne, kecek-kecek de uku ucep o benea, keluea kunei pekeran sihat!

KISAH RASUL-RASUL 6:8

Allah melei berkat ngen Stefanus, sehinggo si menea dau mujizat ngen hal-hal de luea biaso neak antaro masyarakat.

KISAH RASUL-RASUL 9:22

Tapi Saulus lebiak kuet pengaruhne. Bukti-bukti de si nadeak tetang Yesus kembiak benea bahwo Yesus do'oba Rajo Penyelamat, sapei tun-tun Yahudi de tinggea neak Damsyik coa dapet igai mbantah.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

ROMA 8:15

Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!”

1 KORINTUS 2:4

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

KOLOSE 1:8

Kunei Epafrasba keme temi'uk bahwo ngen kuaso kunei Roh Allah udi dapet samo-samo sayang.

IBRANI 2:15

Ngen ca'o o Si mbebas tun-tun de seomor idupne jijai budok kerno saben ngen kematian.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 YOHANES 4:18

Tun de meding kasih Allah, coa namen ngen saben; sebab kasih de sempurno menyep kute asai saben. Jijai nyatoba bahwo tun ati meding kasih Allah ngen sempurno amen tun o saben madep Bilai Penghakiman.