2 TIMOTIUS 1:13 - JANJAI BLAU Lem Bahaso Jang Bebilai

¹³ Totoaba ngen sungguak-sungguak ajaran de benea de sudo uku nelei ngen ko. Ngen lokba ko tep menea o lem imen ngen kasiak neak lem Kristus Yesus.

2 TIMOTIUS 1:13 ပူးပေါင်းရင်းမြစ်များ

ROMA 2:20

Saudaro jijai gu'au tun bodong, majea tun de ati lai, kerno lem hukum agamo Yahudi ko temuan kute pengetahuan ngen ajaran de benea.

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

FILIFI 4:9

Naneuba jano de sudo udi belajea ngen temimo kunei uku; baik kunei kecek-kecek atau kunei plep-plep uku. Allah sumber sejahtera bakea semerto udi.

1 TESALONIKA 5:21

Kute sesuaktau harus nujai, ngen de baik harus tenotoa.

1 TIMOTIUS 1:10

te'adep tun-tun cabul, hubungan sesamo jenis, penculik, tukang mike; saksai-saksai dusta, ngen api bae de menea hal-hal de bertentangan ngen ajaran de benea.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

1 TIMOTIUS 6:3

Api de majea ajaran de luyen kunei o ngen coa tujau ngen ajaran de benea kunei Tuhan te Yesus Kristus, ngen ajaran agamo te,

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.

2 TIMOTIUS 1:14

Ngen tulung kunei Roh Allah de idup neak lem ite, lokba ko jemago baik-baik hal-hal de bego de sudo cayo ngen udi.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

2 TIMOTIUS 3:14

Tapi lokba ko tep bepegong pado kebenaran de sudo ko temimo ngen ko yakin, bogoa minget tun de sudo majeane ngen ko.

2 TIMOTIUS 4:3

Sebab bakea sapei waktaune tun coa lok igai temimo ajaran de benea. Sebelekne, tobo'o bakea temotoa kelokne suang, ngen melungguk dau gu'au utuk najea hal-hal de baik teni'uk tobo'o.

TITUS 1:9

Ia harus bepegong teguak pado ajaran de dapet pecayo, awei de sudo najea ngenne. Awei ipe si sanggup melei nasehat tun pado ajaran de benea, ngen temunjuk kesaleak tun-tun de temtangne.

TITUS 2:1

Tapi ko, Titus, lokba ko majea ajaran de paset.

TITUS 2:8

Pakeiba kecek-kecek de bijaksana, de coa dapet mino tun, supayo lawen-lawennu jijai selek kerno coa ade hal-hal kidek de dapet tobo'o madeak tetang ite.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 4:14

Do'oba sebabne ite harus be pegong teguh pado kepercayaan ite. Sebab ite temuan Imem Lai de lai, de sudo masuk sapei neak adep Allah – Siba Yesus Anok Allah.

YUDAS 1:3

Saudaro-saudaro de tecito! Uku sungguak-sungguak berusaho temulis su'et ngen udi tetang keselamatan de samo-samo ite meding. Tapi uyo uku meraso harus melei nasihat ngen temulis su'et yo utuk udi, supayo udi tep berjuang utuk imen de sudo nelei Allah utuk selamo-lamone ngen umat-Ne.

WAHYU 2:25

Tapi sapei waktau Uku teko be, lokba udi tep temotoa jano de sudo udi temuan.

WAHYU 3:11

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.