2 TESALONIKA 3:6 - JANJAI BLAU Lem Bahaso Jang Bebilai

⁶ Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.

2 TESALONIKA 3:6 ပူးပေါင်းရင်းမြစ်များ

MATIUS 18:17

Amen si coa lok temimo nasehat tun-tun'o senapei. Ngen amen si coa kulo lok temi'uk nasehat jemaat, tapi anggepba si awei suang tun penagiak ngen tun de coa kemnal Allah.”

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 KORINTUS 5:9

Neak lem su'et uku de bel'o, uku melei namen ko supayo jibeak gabok ngen selawei-selawei nakea.

2 KORINTUS 2:10

Amen udi melei apun ngen tun de sudo menea saleak teadepnu mako uku kulo mapun tun o. Sebab de sudo uku mapun – amen memang ade de perlu napun – do'o uku mapun neak adep Kristus utuk kebaikan udi.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 4:11

Berusahoba idup tenang, coa cemapua persoalan-persoalan tun luyen ngen bekerjo ngen tangen, awei de keme pesen ngen udi.

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

2 TESALONIKA 2:15

Kerno o, Saudaro-saudaro, tegokba ngen kuet ngen bepegongba terus ngen ajaran-ajaran de sudo keme melei ngen udi, baik seca'o kecek kulo seca'o tetulis.

2 TESALONIKA 3:7

Udi suang namen bahwo udi harus temirau contoh keme. Keme coa bemalas-malas ketiko keme ade neak tengeak-tengeak udi.

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

1 TIMOTIUS 6:5

ngen selisiak de coa sudo-sudone. Dalen pekeran tun-tun o bi kepak ngen coa benea igai. Sako tobo'o nam kayo kunei agamo.

2 TIMOTIUS 3:5

Seca'o lahiriah tobo'o maneu kewajiban agamo, tapi temulok inti kunei agamo o suang. Ne'uakba tun-tun de awei o.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

2 YOHANES 1:10

Kerno o, amen ade tun teko, melei namen ngen udi ajaran de coa najea Kristus, jibeakba temimo tun o neak lem umeaknu atau melei salam ngen si.