2 TESALONIKA 3:2 - JANJAI BLAU Lem Bahaso Jang Bebilai

² Bedu'oba kulo supayo Allah semlamat keme kunei tun-tun pengacau ngen jahat. Sebab coa kute tun pecayo ngen bito kunei Tuhan o.

2 TESALONIKA 3:2 ပူးပေါင်းရင်းမြစ်များ

MATIUS 17:17

Yesus jemawab, “Coa nien udi yo! Udi sungguak tun-tun de telo ulau ngen coa pecayo. Sapei tengen Uku mestai tinggea besamo udi ngen mestai sabar teradep udi? Mbin anok'o miyo!”

MATIUS 23:23

Celakoba udi gu'au-gu'au agamo ngen tun-tun Farisi! Udi tun-tun munafik. Repeak-repeak awei selasiak, adas manis, jitan, udi melei perdepuluakne ngen Tuhan. Padahal hal-hal'o de tepeting lem ukum agamo, awei misalne, adea belas kasiak ngen coa udi miraune. Padahal do'oba de seharusne udi menea ngen coa mabai de luyenne kulo.

LUKAS 18:8

Uku madeak ngen udi, ‘Si bakea segro mbenea tobo'o. Bakea tapi, amen Anok Manusio o teko, jano masiak tenmau tun de masai ngen Si neak bumai yo?’ ”

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 13:50

Tapi tun-tun Yahudi mengasut seslawei kunei golongan tun-tun lekat de saben ngen Allah ngen pejabat-pejabat neak kota'o. Tobo'o menea penganiayaan das Paulus ngen Barnabas, musir tobo'o kunei daerah'o.

KISAH RASUL-RASUL 14:2

Tapi tun-tun Yahudi de temulok bito tobo'o, majung tun-tun iso Yahudi ngen menea tobo'o jengik teadep tun-tun de pecayo ngen Yesus.

KISAH RASUL-RASUL 17:5

Tapi tun-tun Yahudi jijai iri, ngen batuan kekedau penjahat de bekeliaran neak dalen-dalen, tobo'o menea keributan ngen macau kota o. Tobo'o semerbu umeak Yason ngen maksut utuk mbin Paulus ngen Silas madeptun dau.

KISAH RASUL-RASUL 25:27

Sebab temurut pendapetku coa masuk akea utuk kemirim suang tahanan ngen coa madeak tuduhan-tuduhan de tenuduak teadep si.”

KISAH RASUL-RASUL 28:24

Ade de pecayo ngen kecekne, ade de tep coa pecayo.

ROMA 10:16

Tapi coa kute tun bi temimo Bito Baik o. Yesaya su'ang bae madeak, “Tuhan, api de pecayo ngen bito keme?”

ROMA 15:31

Bedu'oba supayo Allah mbebas uku kunei tangen tun-tun de coa pecayo neak Yudea, ngen supayo tugas uku utuk mbin sumbangan moi Yerusalem tenimo ngen riang atei ngen umat Allah neak di.

1 KORINTUS 15:32

Amen do'o cuma kunei manusio bae, jano utungne bagiak uku utuk bejuang awei mlawan benatang-benatang buas neak kota yo, neak Efesus? Amen memang tun matei coa nidup igai, lebiak baik ite temotoa pribahasa yo, “Maro ite embuk, menem ngen beriang, sebab men ite bakea matei.”

1 TESALONIKA 2:18

Sebab keme bi niat utuk teko magea udi; ngen uku bi cemubone kekedau kilai, tapi Iblis temutup dalen keme.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.