2 TESALONIKA 3:1 - JANJAI BLAU Lem Bahaso Jang Bebilai

¹ Selanjutne, Saudaro-saudaro, bedu'oba utuk keme. Bedu'oba supayo bito kunei Tuhan dapet terus tesebea ngen gacang ngen tenimo ngen baik, serai awei de sudo tejijai ngen udi bel'o.

2 TESALONIKA 3:1 ပူးပေါင်းရင်းမြစ်များ

1 TESALONIKA 5:25

Denu'oba keme, Saudaro-saudaro!

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

1 KORINTUS 16:9

Dau kesempatan neak yo utuk pekerjaan-pekerjaan de ade manfaat, kunyau dau kulo tun de temtang.

1 TESALONIKA 1:8

Sebab muloi kunei udi, bito tetang Tuhan bi tesebea sapei moi Makedonia ngen Akhaya. Ngen iso cuma do'o bae; bahkan bito tetang awei ipe udi pecayo ngen Allah bi sapei moi ipe bae, sehinggo keme coa perlu igai madeak jejano.

KISAH RASUL-RASUL 19:20

Ngen ca'o yo, tambeak tesebeaba firman Tuhan ngen tambeak bekuaso.

1 TESALONIKA 5:17

tepba bedu'o

KISAH RASUL-RASUL 12:24

Sementaro'o firman Allah tambeak tesebea ngen tambeak dau teniuk tun.

2 TIMOTIUS 2:9

Kerno melei namen Bito Baik o ba, uku jijai saro; malah sapei neket ngen ratoi awei penjahat. Tapi Firman Allah coa dapet neket ngen ratoi.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TESALONIKA 2:1

Saudaro-saudaro! Udi suang namen bahwo keme teko ngen udi coa sesio.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

2 KORINTUS 1:11

Udi kulo milau du'o keme, supayo dau tun mucep syukur das karunio de keme dapet kunei daune du'o tobo'o utuk keme.

ROMA 15:30

Demi Tuhan ite Yesus Kristus, ngen demi kasih de nelei Roh Allah, uku minoi nien ngen udi, semoga udi bedu'o kulo ngen sungguak-sungguak besamo-samo uku ngen Allah utuk uku.

KISAH RASUL-RASUL 6:7

Firman Allah tambeak tesebea, jumlah penotoa neak Yerusalem tambeak dau; ngen dau kulo imem-imem de pecayo ngen Yesus.

MATIUS 9:38

Kerno'o minoiba ngen tun temuan kebun, supayo nembo tukang panen utuk manenne.”

LUKAS 10:2

“Asea de bakea kentem dau,” nadeak-Ne magea tobo'o, “tapi pekerjo utuk ngetemne cuma didik. Sebab o, minoiba magea Temuan kebun supayo Si mbo pekerjo utuk ngetem asea tanem-Ne.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!