2 TESALONIKA 2:9 - JANJAI BLAU Lem Bahaso Jang Bebilai

⁹ Manusio Jahat o bakea teko ngen kuaso de lai kunei Iblis. Si bakea menea kute mecem keajaiban ngen hal-hal luea biaso de penuak ngen pike.

2 TESALONIKA 2:9 ပူးပေါင်းရင်းမြစ်များ

MATIUS 12:22

Sudo'o neminba ngen Yesus suang tun de pasuk semat tun'o buto ngen bisau, lajau Yesus kemaen tun'o si nam miling ngen kemliak.

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

LUKAS 11:25

Mako lalauba si ngen temau umeak o bersih ngen tatur.

YOHANES 4:48

Nadeak Yesus ngen si, “Amen udi coa kemleak tando ngen mujizat, udi coa pecayo.”

YOHANES 8:41

Udi kemerjo kerjo baknu suang.” Jawab tobo'o, “Keme coa laher kunei nga'em. Bak keme do, adeba Allah.”

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

KISAH RASUL-RASUL 13:10

Paulus madeak, “Hoi anok Iblis, ko penuak ngen memecem tipu muslihat ngen kejahatan, ko musuak kute kebenea, ko coa bakea bedan musak ajaran Yesus de lu'us'o?

2 KORINTUS 11:14

Coa sele tobo'o menea awei o, sebab Iblis suang kulo nyamar sebagoi malaikat te'ang.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

2 TIMOTIUS 3:8

Serai awei Yanes ngen Yambres melawen Musa, awei o kulo tun-tun o melawen ajaran kunei Allah. Pekeran tobo'o bi usak, ngen imen tobo'o bi coa kuet.

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 18:23

Tun coa bakea kemliak igai cahayo lapu neak lem udi; ngen coa bakea kulo teni'uk keramaian pesta nikeak neak di. Pedagang-pedagangnu adeba tun-tun de paling terkemuko neak bumai, ngen lemau-lemau gaibnu ko mike kute bangso neak dunio!”

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 9:11

Tobo'o temuan rajo de meriteak tobo'o, rajo o adeba malaikat de tanggung jawab das jurang maut. Neak lem bahaso Ibrani, genne adeba Abadon; lem bahaso Yunani Apolion (taine “Pengusak”).