2 TESALONIKA 2:8 - JANJAI BLAU Lem Bahaso Jang Bebilai

⁸ tembeiba keten Manusio Jahat o. Mako amen Tuhan Yesus teko, Si bakea munuak Manusio Jahat o ngen nyabai kunei bibia-Ne, ngen binasone ngen ca'o kemten dirai-Ne pado waktau Si teko.

2 TESALONIKA 2:8 ပူးပေါင်းရင်းမြစ်များ

MATIUS 13:19

Biniak de cucia moi dalen awei tun-tun temi'uk kabar tetang awei ipe. Allah meriteak, tapi coa ngertai. Tun jahat'o teko ngen mbut jano de sudo tenbea lem atei tobo'o.

MATIUS 13:38

Kebun'o adeba dunio yo. Biniak de baik'o adeba tun-tun de bi jijai anggota umat Allah. Lalang'o adeba tun-tun de jijai golongan Iblis.

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

1 KORINTUS 1:28

Allah miliak de nanggap-Ne rendeak, hino, malah de nanggap coa de taine ngen dunio yo, supayo Allah majua de nanggep penting ngen dunio.

2 TESALONIKA 2:3

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

1 TIMOTIUS 6:14

Taatba ngen kute periteak o seca'o murni ngen baik sapei pado bilai Tuhan te Yesus Kristus teko igai.

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 10:27

Dodone de ade utuk ite adeba madep pengadilan Allah ngen opoi de kembiak lai de bakea mbem kute tun-tun de melawen Si!

1 YOHANES 2:13

Uku temulis ngen udi, Bapak-bapak, sebab udi kemnal Si de sudo ade sejak mulone. Uku temulis ngen udi, Tun-tun u'ai, sebab udi bi maleak de jahat.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

WAHYU 1:16

Tangen kanen-Ne megong tujuak bitang, ngen kunei bibia-Ne keluea debueak pedang tajem de bematai duai. Papea-Ne bersinar awei matai bilai pado tengeak bilai

WAHYU 13:5

Benatang o neluak madeak hal-hal de kembiak ombong ngen mino Allah. Si neluak meriteak pat puluak duai bulen anne.

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 2:16

Sebab o, tobatba kunei duso-dusonu! Amen coa, tegoa igai Uku bakea teko ngen udi, merang tun-tun o ngen pedang de ade neak bibia-Ku.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.