2 TESALONIKA 2:2 - JANJAI BLAU Lem Bahaso Jang Bebilai

² Supayo udi jibeak gacang renyeng ngen liseak kerno adene bito bahwo bi sapei bilaine Tuhan Yesus teko igai. Mukin bito yo asalne kunei suaktau nubuat, atau kunei suaktau ajaran; atau buliak jijai ade de madeak bahwo keme perneak temulis de awei o neak lem saleak do su'et keme.

2 TESALONIKA 2:2 ပူးပေါင်းရင်းမြစ်များ

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MARKUS 13:7

Amen udi temi'uk sa'ei perang atau bito-bito tetang perang, jibeakba udi liseak. Kutene'o harus tejijai, tetapi do'o ati kesudone.

LUKAS 21:19

Amen udi tep betaen, udi bakea dapet idupnu.”

LUKAS 21:9

Jibeakba kulo saben amen udi temi'uk bito tetang peperangan ngen pembrontakan. Kutene o harus tejijai kileak. Tapi do'o coa be'artai bahwo sudo waktaune kiamat.”

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 14:32

Karunio kunei Roh utuk semapei bito kunei Allah berade neak beak kuaso tun de semapei bito o.

1 KORINTUS 7:26

Minget kute kesaro de macam uyo yo, asaiku lebiak baik amen tun tep maneu idup awei keadaanne de uyo.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

1 TESALONIKA 3:3

Ngen awei o coa suang kulo kunei udi de coa kuet imenne kerno derito-derito yo. Udi suang namen bahwo derito-derito o adeba lem rencano Allah utuk ite.

1 TESALONIKA 4:15

Tetang hal o, dioba ajaran Tuhan de keme lok semapei ngen udi: Pado waktau Tuhan Yesus teko, ite de masiak idup coa bakea demute tun-tun de sudo ningea.

1 TESALONIKA 5:2

Sebab udi suang namen ngen jelas bahwo Bilai tekone Tuhan o bakea teko awei pencuri teko pado bilai kelmen

2 TESALONIKA 2:15

Kerno o, Saudaro-saudaro, tegokba ngen kuet ngen bepegongba terus ngen ajaran-ajaran de sudo keme melei ngen udi, baik seca'o kecek kulo seca'o tetulis.

2 TESALONIKA 3:17

Salam kunei uku, Paulus. Uku suang de temulis salam yo. Dioba tando de tenulis lem tiep su'etku.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.