2 TESALONIKA 2:16 - JANJAI BLAU Lem Bahaso Jang Bebilai

^16-17 Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

2 TESALONIKA 2:16 ပူးပေါင်းရင်းမြစ်များ

LUKAS 16:25

Tapi Abraham madeak, ‘Anok, ingetba: bahwo ko bi temimo kute de baik sewaktau idupnu, tapi Lazarus kute de kidek. Uyo si senang neak yo ngen ko saro.

YOHANES 13:1

Ayok bilai rayo Paskah muloi, Yesus bi namen bahwo waktau-Ne bi sapei utuk lalau kunei dunio yo ngen Bak. Si kemasiak tun-tun milik-Ne de neak dunio yo, si mengasiak tobo'o sapei moi sudone.

YOHANES 15:13

Kasiak de lebiak lai adeba kasiak kunei suang tun de melei nyabaine utuk kuatne.

YOHANES 15:9

“Awei Bapa bi mengasiak Uku, awei o kulo uku bi mengasiak udi; tinggea ba udi lem kasiak-Ku o.

YOHANES 16:22

Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

KISAH RASUL-RASUL 15:11

Sebelekne, ite pecayo bahwo liwet anugrah Tuhan Yesus Kristus ite bakea senlamat serai awei tobo'o kulo.”

KISAH RASUL-RASUL 18:27

Kerno Apolos lok nyeb'ang moi Akhaya, tun-tun pecayo neak Efesus kemirim su'et ngen penotoa-penotoa neak di, supayo tobo'o semambut si. Sapeine neak Akhaya, si jijai kebiak beguno bagiak tun-tun de pecayo ngen Anugrah Allah.

ROMA 1:7

Do'o sebabne uku temulis ngen udi. Semoga Allah Bapa ite ngen Tuhan Yesus melei berkat ngen sejahtera ngen udi.

ROMA 4:16

Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

ROMA 4:4

Amen ade tun de kerjo, upeakne coa nitung sebagai hadiah, tapi sebagai hokne.

ROMA 5:8

Tapi Allah kemten kasih-Ne ngen ite, kerno Kristus bi matei utuk ite, ketiko ite masiak beduso.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

EFESUS 5:25

Hoi sematen, citoba ngenyannu awei Kristus bi cito ngen jemaat ngen bi semreak dirai-Ne bagiakne.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

1 TESALONIKA 3:11

Kirone, Allah Bapa te, ngen Yesus, Tuhan te, mukok dalen bagiak keme utuk temau ngen udi.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

1 YOHANES 3:16

Ngen awei o ite namen ca'o mengasiak sesamo, Kristus bi semreak idup-Ne utuk ite. Sebab o, ite kulo harus semreak idup ite utuk saudaro-saudaro ite.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 3:9

Tingetba dio: Tun-tun de jijai umat Iblis o, pendusta-pendusta de makau diraine tun Yahudi padahal iso, Uku nea tobo'o sehinggo teko sujud neak adep nu. Ngen tobo'o bakea namen bahwo Uku mengasiak udi.