2 TESALONIKA 1:9 - JANJAI BLAU Lem Bahaso Jang Bebilai

⁹ Tun-tun o bakea temimo hukuman kebinasoan selamo-lamone, nuang moi luea kunei lingkungan Tuhan ngen kunei kuaso-Ne de agung.

2 TESALONIKA 1:9 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 22:13

Lajau rajo'o madeak ngen pelayan-pelayanne, ‘Neket kekea ngen tangen tun yo, ngen nuang si moi luea moi penan de kelem. Neak di bakea ade indoi ngen saro.’ ”

MATIUS 24:30

Sesudo'o tando anok manusio bakea keten neak lenget. Pado waktau'o kute bangso neak bumai bakea ngindoi. Tobo'o bakea kemliak Anok Manusio teko neak das embun ngen kuaso ngen kemulioanne delai.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

MATIUS 7:23

Tapi uku bakea jemawab, ‘Uku coa perneak kemnal udi! Lalauba kunei yo, udi coa perneak kemerjo de periteak Allah!’ ”

LUKAS 13:27

Tapi Si bakea madeak ngen udi, ‘Uku coa namen kunei ipe udi teko. Lalauba kunei adep-Ku, hoi udi kutene de menea kejahatan!’

YOHANES 5:14

Sesudo o Yesus temau ngen si lem Bait Allah lajau madeak ngen si, “Tinget udi bi ka'en. Jibeak menea duso igai, supayo jibeak terjijai de lebiak kidek igai ngen udi.”

FILIFI 3:19

Idup tun-tun awei o bakea berakhir ngen kehancuran, sebab Tuhan tobo'o adeba tenei tobo'o, kemulioan tobo'o adeba aib tobo'o, pekeran tobo'o cuma ngen perkaro duniawi.

1 TESALONIKA 5:3

Amen tun madeak, “Kutene aman ngen tentram,” mako pado waktau o ba tetibo tobo'o bakea ditimpa kebinasoan, ngen coa suang tun kulo dapet lolos. Hal o bakea tejijai tetibo, awei suang selawei meding gis waktau lok melaher.

2 TESALONIKA 2:8

tembeiba keten Manusio Jahat o. Mako amen Tuhan Yesus teko, Si bakea munuak Manusio Jahat o ngen nyabai kunei bibia-Ne, ngen binasone ngen ca'o kemten dirai-Ne pado waktau Si teko.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

2 PETRUS 2:17

Gu'au-gu'au palsu o adeba awei matai bioa de ke'ing ngen awei kabut de teniup angin badai. Allah bi semdio bagiak tobo'o sesuaktau penan de kembiak kelem.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

YUDAS 1:13

Serai awei ombak lai neak laut menimbulkan ukuak, awei o kulo tobo'o mukuak plep-plep kidek. Tobo'o adeba awei bitang-bitang de sudo Allah seniap penanne neak lem kegelapan utuk selamo-lamone.

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.

WAHYU 20:14

Sesudo'o Maut ngen Alam Maut nuang moi lem lautan opoi. (Lautan opoi yo adeba kematian tahap keduai.)

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.