2 TESALONIKA 1:8 - JANJAI BLAU Lem Bahaso Jang Bebilai

⁸ ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

2 TESALONIKA 1:8 ပူးပေါင်းရင်းမြစ်များ

1 PETRUS 4:17

Sudo sapei waktaune Allah madea dunio. Ngen umat Allah suangba de bakea nadea telebiak dute. Nah, amen Allah bakea muloi ngen ite, awei ipe jijaine konyo ngen tun-tun de coa pecayo ngen Bito Baik kunei Allah?

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

IBRANI 10:27

Dodone de ade utuk ite adeba madep pengadilan Allah ngen opoi de kembiak lai de bakea mbem kute tun-tun de melawen Si!

IBRANI 10:30

Ite namen api si de madeak, “Uku bakea males!” ngen de madeak, “Tuhan akan menghakimi umat-Ne.”

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

GALATIA 4:8

Bel'o ketiko udi coa kemnal Allah, do'o sebabne udi jijai budok kunei kuaso-kuaso de nanggap sebagoi ilah tapi sebeneane iso Allah samo sekilai.

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

IBRANI 12:29

Sebab Allah ite awei opoi de menea jijai mutung.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”

1 TESALONIKA 4:5

Jibeak idup temotoa kelok hawa nafsu te'adep ngenyannu, awei de nea tun-tun de coa kemnal Allah.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

KISAH RASUL-RASUL 6:7

Firman Allah tambeak tesebea, jumlah penotoa neak Yerusalem tambeak dau; ngen dau kulo imem-imem de pecayo ngen Yesus.

YOHANES 3:19

Dioba hukuman'o: Te'ang bi teko lem dunio, tapi manusio lebiak galok kelem kunei pado te'ang, sebab plep tobo'o kidek.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

1 PETRUS 3:6

Sara kulo awei o, si taat ngen Abraham, madeak si tuanne. Saudaro uyo adeba anok-anok Sara, amen udi menea hal-hal de baik, coa saben ngen jano bae.

IBRANI 11:8

Kerno berimen, mako Abraham taat, Allah menok ngen meluak lalau moi negrai de Allah jemanjai ngenne. Lajau Abraham berakat ngen coa namen moi ipe bakea lalau.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

GALATIA 3:1

Saudaro-saudaro tun-tun Galatia! Udi kebiak bodong! Api de sudo menghasut udi? Iso Yesus Kristus de senalib o bi uku jemlas ngen sejelas-jelasne ngen udi?

2 KORINTUS 10:5

Keme matiak tiep siasat tun ngen mubuak tiep klopok de tegok ngen keangkuhan manusio utuk temtang pengenalan Allah. Keme temaen pekeran tun-tun ngen menea tobo'o takluk ngen Kristus.

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

ROMA 16:26

Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah.

ROMA 15:18

Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

ROMA 10:16

Tapi coa kute tun bi temimo Bito Baik o. Yesaya su'ang bae madeak, “Tuhan, api de pecayo ngen bito keme?”

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

YOHANES 8:19

Lajau nadeak tobo'o ngen Si, “Neak ipe Bapa-Nu?” Jawab Yesus, “Baik Uku jano Bapa-Ku coa udi namen. Sekirone udi namen Uku, udi namen kulo Bapa-Ku.”

YUDAS 1:7

Tingetba kulo kota Sodom ngen Gomora serto kota-kota neak sekitarne, de pendudukne menea hal-hal awei de nea malaikat-malaikat o. Tobo'o menea hal-hal de cabul ngen bejat, sehinggo tobo'o senikso ngen ukuman opoi de kekal, utuk jijai peringatan utuk kute tun