2 TESALONIKA 1:7 - JANJAI BLAU Lem Bahaso Jang Bebilai

⁷ Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

2 TESALONIKA 1:7 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 26:64

Yesus jemawab, “Awei'oba nadeaknu. Tapi pecayoba: muloi uyo ko bakea kemliak Anok Manusio temot neak depeak kanen Allah De Kembiak Kuaso, ngen teko neak das mbun-mbun neak lenget!”

MARKUS 14:62

Jawab Yesus, “Uku ba Si, ngen udi bakea kemliak Anok Manusio temot neak depeak kanen de Maho Kuaso ngen teko neak tengeak-tengeak embun-embun neak lenget.”

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 16:25

Tapi Abraham madeak, ‘Anok, ingetba: bahwo ko bi temimo kute de baik sewaktau idupnu, tapi Lazarus kute de kidek. Uyo si senang neak yo ngen ko saro.

LUKAS 17:30

Awei'oba halne keadaan pado bilai konyo, neak ipe Anok Manusio kemten dirai-Ne.

YOHANES 1:3

Kute sesuatau jenijai ngen Si coa gen Si coa ade suatu kulo de sudo jijai kunei kute de sudo jenijai.

YOHANES 1:51

Lajau nadeak Yesus ngenne, “Uku madeak ngen udi, sesungguakne ko bakea kemliak lenget tukok ngen malaikat-malaikat Allah kenek tu'un ngen Anok Manusio.”

KISAH RASUL-RASUL 1:11

Duai tun'o madeak ngen tobo'o, “Hoi tun-tun Galilea, getai udi je nanggeak moi lenget? Yesus yo, de taket moi surgo teminggea udi, bakea teko igai ngen ca'o de serai awei udi kemliak Si kenek moi surgo.”

KISAH RASUL-RASUL 3:19

Kerno o pasuak-pasuak, tobatba kunei duso-dusonu ngen belekba ngen Allah, supayo si mapus duso-dusonu.

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

1 KORINTUS 3:13

Kerjo tiep tun bakea keten be pado waktau Kristus teko igai. Sebab pado bilai o opoi bakea menea kerjo tiep-tiep tun bakea keten. Opoi bakea melei bukti baik coane kerjo o.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

EFESUS 1:2

Uku, Paulus, rasul Kristus Yesus das kelok Allah ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 10:27

Dodone de ade utuk ite adeba madep pengadilan Allah ngen opoi de kembiak lai de bakea mbem kute tun-tun de melawen Si!

IBRANI 12:29

Sebab Allah ite awei opoi de menea jijai mutung.

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 4:9

Jijai, bagiak umat Allah masiak ade janjjai utuk istirahat awei Allah istirahat pado bilai de ketujuak o.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

YUDAS 1:7

Tingetba kulo kota Sodom ngen Gomora serto kota-kota neak sekitarne, de pendudukne menea hal-hal awei de nea malaikat-malaikat o. Tobo'o menea hal-hal de cabul ngen bejat, sehinggo tobo'o senikso ngen ukuman opoi de kekal, utuk jijai peringatan utuk kute tun

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.

WAHYU 21:4

Si bakea musep bioa matai kunei matai tobo'o. Kematian coa bakea ade igai; ibo, tangisan, atau duko cito bakea cigai. Hal-hal de an bi nyep.”

WAHYU 22:16

“Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”

WAHYU 6:11

Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.