2 TESALONIKA 1:6 - JANJAI BLAU Lem Bahaso Jang Bebilai

⁶ Allah bakea menea jano de adea, ngen bakea males penderitaan ngen tun de menea udi jijai saro.

2 TESALONIKA 1:6 ပူးပေါင်းရင်းမြစ်များ

KOLOSE 3:25

Api bae de menea saleak bakea temanggung saleakne o, kerno Tuhan coa kemliak api ko.

IBRANI 6:10

Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo.

WAHYU 11:18

Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

WAHYU 15:4

Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!

WAHYU 18:24

Babel nukum sebab neak lem kota o bi ade daleak nebai-nebai, daleak umat Allah – siketne daleak kute tun de sudo nunuak neak das bumai.

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”