2 TESALONIKA 1:4 - JANJAI BLAU Lem Bahaso Jang Bebilai

⁴ Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.

2 TESALONIKA 1:4 ပူးပေါင်းရင်းမြစ်များ

ROMA 12:12

Riangba lem pengharapan, sabarba lem saro, ngen tekunba lem du'o!

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 8:25

Tapi amen ite ma'ep jano de coa ite kemliak, ite mbotne ngen sabar.

1 KORINTUS 7:17

Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

2 KORINTUS 7:14

Uku memang bi mujai-mujai udi ngen si. Mujuaba, udi coa semelek uku. Kutene de perneak keme madeak jano de benea ngen udi. Awei o kulo jano de keme nujai tetang udi ngen Titus ternyato benea.

2 KORINTUS 7:4

Uku kebiak pecayo ngen udi; uku kulo kebiak bangga teadep udi. Sekilai kulo keme meding dau saro, atei keme kebiak riang kerno udi.

2 KORINTUS 9:2

Uku namen udi galok mulung, ngen uku bi mujai udi ngen tun-tun neak Makedonia. Uku madeak ngen tobo'o, bahwo sejok taun de sudo saudaro-saudaro neak Akhaya bi siap utuk melei sumbangan. Ngen semangatnu bi menea tun dau kulo jijai semangat.

2 KORINTUS 9:4

Uku khawatir amen ade tun-tun Makedonia de milau besamo-samo uku be pado waktau uku teko ngen ko. Ngen amen tobo'o namen bahwo udi ati siap, woi, padeak selekne keme be, kerno bi madeak bahwo keme pecayo sekilai ngen udi! Ngen udi kulo bakea selek.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

1 TESALONIKA 2:14

Saudaro-saudaro, hal de udi meding bi nding kulo jemaat-jemaat Allah neak Yudea de jijai de Kristus Yesus temuan. Udi meding saro kunei pihok bangsonu suang, serai awei de nding jemaat-jemaat Allah neak Yudea o kunei pihak tun-tun Yahudi.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

2 TESALONIKA 3:5

Kirone Tuhan mbimbing udi utuk lebiak ngertai bahwo Allah kemasiak udi ngen bahwo Kristus melei ketabahan ngen udi.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

IBRANI 6:12

Keme coa lok udi jijai malas. Tapi keme lok supayo udi idup awei tun-tun de temimo jano de jenanjai Allah, kerno pecayo ngen Si, kerno udi sabar.

IBRANI 6:15

Abraham mbot ngen sabar, mako si temimo jano de jenanjai Allah ngen si.

YAKOBUS 5:11

Tobo'o senbut bahagia sebab tobo'o sabar. Udi bi temi'uk tetang kesabaran Ayub, ngen udi namen awei ipe Tuhan pado akhirne memberkati si. Sebab Tuhan kembiak sayang ngen baik atei.

2 PETRUS 1:6

seluyen pengetahuan, udi harus kulo dapet kemuaso dirai. Ngen seluyen dapet kemuaso dirai lokba udi kulo mupuk dirai utuk tabah madep kute sesuaktau. Ngen seluyen tabah madep kute sesuaktau, udi harus kulo idup temurut kelok Allah.

WAHYU 14:12

Lem hal yo umat Allah de taat ngen periteak-periteak Allah de setia ngen Yesus, perlu jijai tabah.