2 PETRUS 3:9 - JANJAI BLAU Lem Bahaso Jang Bebilai

⁹ Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.

2 PETRUS 3:9 ပူးပေါင်းရင်းမြစ်များ

ROMA 13:11

Hal yo harus udi nea, kerno udi namen keadaan waktau uyo, adeba bahwo saatne bi sapei utuk udi jagai kunei tidua. Sebab uyo keselamatan bi lebiak pa'ok utuk ite kunei pado waktau ite jijai pecayo.

ROMA 13:12

Bilai bi uak malem, tegoa igai lueng. Sebab o maroba ite bedan menea plep-plep kidek, ngen makei perlengkapan senatai te'ang!

ROMA 2:4

Jano ko lok manggap mudeak kekayaan kemurahan-Ne, kesabaran-Ne ngen kelapangan atei-Ne? Jano udi coa namen, bahwo maksud kemurahan Allah adeba menea udi jijai tobat?

ROMA 9:22

Jijai, amen utuk kemten murka-Ne ngen kemten kuaso-Ne, Allah melei kesabaran de lai teadep benda-benda kemurkaan-Ne, de sudo seniap utuk kebinasaan –

1 TIMOTIUS 1:16

Tapi justru kerno'oba Allah mengasihi uku, supayo Kristus Yesus dapet kemten kute kesabaran-Ne te'adep uku, tun de kembiak beduso yo. Ngen dio jijai suaktau contoh utuk kute tun de be bakea pecayo ngen-Si ngen dapet idup sejati ngen kekal.

1 TIMOTIUS 2:4

Si lok supayo kute tun senlamat ngen namen de benea.

IBRANI 10:37

Sebab lem Kiteb Sucai tetulis, “Cuma tegoa igai, mako Si de bakea teko o, bakea segro teko; Si coa bakea menunda-nunda teko-Ne

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.