2 PETRUS 3:14 - JANJAI BLAU Lem Bahaso Jang Bebilai

¹⁴ Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

2 PETRUS 3:14 ပူးပေါင်းရင်းမြစ်များ

MATIUS 24:26

Amen tun madeak ngen ko, ‘Keliak, Si ade neak di neak padang gurun!’ – jibeak ko lalau moi mindi. Atau amen tobo'o madeak, ‘Keliak Si bunyin neak lem bilik neak yo!’ – jibeak udi pecayo.

MATIUS 25:7

Puluak semulen'o klongon ngen midup lapu tobo'o.

LUKAS 12:43

Bahagiaba pelayan, de tuanne kemliak gidong maneu tugasne o, ketiko tuanne o teko.

LUKAS 2:29

“Uyo, Tuhan, kunyauba hamba-Nu yo lalau lem damai sejahtera, sesuai ngen firman-Nu.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

FILIFI 1:10

Ngen awei o udi namen miliak jano de baik, supayo udi sucai ngen coa ade cacet sapei bilai Kristus teko igai.

FILIFI 2:15

Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

FILIFI 3:20

Tapi ite adeba warga negara surgo. Kunei diba kulo ite mbot Tuhan Yesus Kristus sebagoi Juruselamat.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

1 TIMOTIUS 6:14

Taatba ngen kute periteak o seca'o murni ngen baik sapei pado bilai Tuhan te Yesus Kristus teko igai.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

2 PETRUS 3:1

Saudaro-saudaro de tecito! Dioba su'et uku de keduai, de uku temulis ngen udi. Neak lem keduai su'et yo, uku berusaho midup igai pekeran-pekeran de sucai ngen udi.

2 PETRUS 3:16

Lem kute su'etne, Paulus bogoa temulis tetang hal o. Memang ade kekedau hal de saro tun ngertai lem su'et-su'et o. Bagian su'et o nutea ngen tun-tun de coa namen jejano, de coa kuet imenne. Hal o coa menea tun sele, kerno bagian-bagian luyen kunei Kiteb Sucai nea awei'o kulo ngen tobo'o. Jano de tobo'o nea o cuma menea tobo'o benaso.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.