2 PETRUS 3:10 - JANJAI BLAU Lem Bahaso Jang Bebilai

¹⁰ Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

2 PETRUS 3:10 ပူးပေါင်းရင်းမြစ်များ

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

MARKUS 13:31

Lenget ngen bumai bakea berakher, tapi kecek-Ku yo coa bakea berakher.

LUKAS 12:39

Tapi namenba dio: Amen tuan umeak namen jam kedau risau bakea teko, si coa bakea munyau umeakne nukok.

ROMA 8:20

Kerno kute makhluk bi aleak ngen sesio, iso ngen kelokne su'ang, tapi kelok Allah, de sudo maleakne.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 5:5

udi harus semreak tun o ngen Iblis supayo awokne benaso, ngen awei o rohne senlamat pado waktau Tuhan teko igai.

2 KORINTUS 1:14

awei de sudo udi paham pa'one kunei keme, adeba bahwo pado waktau Tuhan Yesus teko igai, udi bakea bangga das keme awei keme kulo bakea bangga das udi.

1 TESALONIKA 5:2

Sebab udi suang namen ngen jelas bahwo Bilai tekone Tuhan o bakea teko awei pencuri teko pado bilai kelmen

1 TESALONIKA 5:4

Tapi udi, Saudaro-saudaro, udi coa idup neak lem kelem sehinggo bilai o tetibo magea ko awei suang risau.

2 PETRUS 3:11

Kerno kutene o bakea najua ngen ca'o de awei'o, awei ipe seharusne udi idup? Udi harus idup sucai ngen khusus utuk Allah,

2 PETRUS 3:12

selamo udi mbot ngen indau tekone Bilai Allah. Pado bilai o lenget bakea abis tekembem, ngen kerno panesne, mako benda-benda neak lenget bakea ajua.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.

WAHYU 21:1

Lajau uku kemliak lenget de blau ngen bumai de blau. Lenget pertamo ngen bumai pertamo nyep, serto laut nyep.

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.

WAHYU 6:14

Lenget nyep awei kertas genulung, kute tebo ngen pulau geneser kunei penanne.