2 PETRUS 2:4 - JANJAI BLAU Lem Bahaso Jang Bebilai

⁴ Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

2 PETRUS 2:4 ပူးပေါင်းရင်းမြစ်များ

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 8:29

Tobo'o keluea kunei guo-guo kubua menggang, “Anok Allah, jano de lok Ko menea ngen keme? Jano kolok semikso keme ayok waktaune?”

MARKUS 5:7

Ngen lek si menggang, “Jano urusannu ngen uku, hoi Yesus, Anok Allah gi maho lekat? Demi Allah, jibeak sikso uku!”

LUKAS 10:18

Yesus jemawab, “Uku kemliak Iblis us kunei lenget awei gelep.

LUKAS 8:31

Semat-semat o bekinoi ngen Yesus, supayo Si jibeak meriteak tobo'o masuk moi lem Jurang Maut.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

ROMA 11:21

Sebab amen Allah coa sayang ngen dan-dan asli, Si kulo coa bakea sayang ngen udi.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

2 PETRUS 2:11

Malaikat-malaikat de uak lebiak kuet ngen bekuaso kunei gu'au-gu'au palsu o, coa temuduak tobo makhluk de mulio o ngen kecek-kecek penghinaan neak adep Tuhan.

2 PETRUS 2:5

Awei o kulo ngen dunio jaman bel'o, Allah coa munyaune telepas kunei ukuman. Allah menea banjir lai moi dunio tun-tun de jahat pado waktau o. Cuman Nuh besamo tujuak tun luyenne bae de selamat, kerno Nuh melei namen tetang idup berkenan ngen atei Allah.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

YUDAS 1:13

Serai awei ombak lai neak laut menimbulkan ukuak, awei o kulo tobo'o mukuak plep-plep kidek. Tobo'o adeba awei bitang-bitang de sudo Allah seniap penanne neak lem kegelapan utuk selamo-lamone.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.