2 PETRUS 2:14 - JANJAI BLAU Lem Bahaso Jang Bebilai

¹⁴ Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!

2 PETRUS 2:14 ပူးပေါင်းရင်းမြစ်များ

MATIUS 12:34

Ko tun jahat, kero ko dapet mucep hal-hal de baik amen ko jahat? Jano de nucep bibia do'oba de keluea kunei atei!

MATIUS 23:14

Celakoba udi gu'au-gu'au agamo ngen tun-tun Farisi: Udi tun-tun munafik. Udi mike jando-jando ngen mok seca'o pakso umeakne, utuk temutup uleak jahat'o udi beduo panjang-panjang. Do'oba sebabne hukuman udi konyo benek!]

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 5:28

Tapi uyo uku madeak ngen udi: api bae kemliak selawei ngen nafsu, tun'o bi menea zina ngen selawei'o lem ateine.

MARKUS 13:22

Sebab Rajo-rajo Penyelamat palsu ngen nebai-nebai palsu bakea timboa ngen tobo'o bakea menea tando-tando, mujizat-mujizat ngen maksud, sekirone mukin, mike tun-tun pilihan.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

1 KORINTUS 11:19

Memang sudo wajar amen neak antaro udi ade selisiak, supayo keten konyo api bae tun Kristen de asli.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

2 PETRUS 3:16

Lem kute su'etne, Paulus bogoa temulis tetang hal o. Memang ade kekedau hal de saro tun ngertai lem su'et-su'et o. Bagian su'et o nutea ngen tun-tun de coa namen jejano, de coa kuet imenne. Hal o coa menea tun sele, kerno bagian-bagian luyen kunei Kiteb Sucai nea awei'o kulo ngen tobo'o. Jano de tobo'o nea o cuma menea tobo'o benaso.

1 YOHANES 2:16

Kute de ade neak lem dunio yo – adeba kelok tabi'at manusio de beduso, de kenliak lajau kenlokne ngen jijai ombong – kutene adeba hal-hal de asalne iso kunei Bapa, tapi kunei dunio.

YUDAS 1:11

Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.