2 PETRUS 2:13 - JANJAI BLAU Lem Bahaso Jang Bebilai

¹³ Sebagai ukuman das penderitaan de sudo tobo'o nea, tobo'o bakea meding saro. Bagiak tobo'o hal de semnang atei adeba menea jano bae pado kebilai guno mues kelok awok tobo'o. Amen tobo'o temot besamo-samo udi lem pesta kembuk, sikep tobo'o janjing kerno tobo'o mabuk ngen hawa nafsu.

2 PETRUS 2:13 ပူးပေါင်းရင်းမြစ်များ

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

FILIFI 3:19

Idup tun-tun awei o bakea berakhir ngen kehancuran, sebab Tuhan tobo'o adeba tenei tobo'o, kemulioan tobo'o adeba aib tobo'o, pekeran tobo'o cuma ngen perkaro duniawi.

2 TIMOTIUS 4:14

Aleksander, tukang tembago o, bi menea kejahatan te'adep uku. Tuhan bakea malesne sesuai ngen plepne.

YAKOBUS 5:5

Udi bi idup mewah ngen foya-foya neak dunio yo. Udi bi nea ateinu puas serai awei pado bilai penyembelihan.

1 PETRUS 4:4

Uyo tun de coa kemnal Tuhan, heran bahwo udi coa milem idup awei'o tobo'o, menikmati duso ngen coa ade batas. Do'oba sebabne tobo'o mino udi.

2 PETRUS 2:15

Kerno tobo'o coa lok temotoa dalen de lu'us, mako tobo'o seset. Tobo'o mok dalen tenotoa Bileam anok Beor bel'o. Bileam yo lok nien dapet caci kunei perbuatanne de coa baik.

WAHYU 18:6

Neaba si awei ipe si bi menea udi; malesba si duai kilai lipet utuk kute de sudo neanne. Mpekba makukne ngen minuman de duai kilai lebiak keras kunei minuman de seniapne utuk udi.