2 PETRUS 2:10 - JANJAI BLAU Lem Bahaso Jang Bebilai

¹⁰ khususne tun-tun de temurut kelok-kelok hawa nafsu tobo'o ngen de mino kuaso Allah. Kembiak binaine ngen sombongne gu'au-gu'au palsu o sehinggo tobo'o coa sesegan mino tobo makhluk de mulio neak surgo!

2 PETRUS 2:10 ပူးပေါင်းရင်းမြစ်များ

LUKAS 11:25

Mako lalauba si ngen temau umeak o bersih ngen tatur.

LUKAS 19:14

Tapi tun negraine o jengik ngen si. Jijai, sesudo si berakat, tobo'o kemirim utusan utuk madeak, ‘Keme coa lok tun yo jijai rajo keme.’

KISAH RASUL-RASUL 23:5

Paulus jemawab, “Hoi pasuak-pasuak, uku coa namen bahwo si adeba Imem Lai. Memang ade tetulis: Jibeakba ko madeak kidek tetang suang pemipin bangsonu!”

ROMA 8:1

Awei'oba uyo coa ade hukuman utuk tobo'o de ade neak lem Kristus Yesus.

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

2 KORINTUS 10:3

Keme memang masiak idup neak lem dunio, tapi keme berjuang das dasar tujuan duniawi.

EFESUS 4:19

Tobo'o bi coa temuan selek igai, sehinggo tobo'o temotoa kute hawo nafsu, serakah menea kute plep kidek.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

2 PETRUS 3:3

Pertamo-tamo, udi harus namen bahwo pado bilai-bilai terakhir, bakea timboa tun-tun de idupne kenuaso hawo nafsu tobo'o su'ang. Tobo'o bakea mino udi

YUDAS 1:10

Tapi tobo'o mino kute sesuaktau de coa tobo'o ngertai. Tobo'o serai awei benatang-benatang de coa temuan akea, de namen hal-hal ngen nalurine bae. Tapi justru hal-hal'oba de jijai sebab kehancuran tobo'o.

YUDAS 1:16

Tun-tun o bogoa bae menggerutu ngen semaleak tun luyen. Tobo'o idup temurut klok-klok tobo'o de beduso. Tobo'o ngerunyam tetang dirai suang, jemilet tun supayo dapet utung.

YUDAS 1:18

Tobo'o melei namen telebiak dute ngennu bahwo menjelang akhir zaman bakea timboa tun-tun de bakea mino udi, adeba tun-tun de idup temurut klok-klok tobo'o de beduso.

YUDAS 1:4

Sebab seca'o coa sadar ade tun-tun de seca'o de diem bi masuk moi tengeak-tengeak ite. Tobo'o tun-tun bejat de semaleak bito tetang rahmat Allah ite, utuk dapet kesepatan utuk melampiaskan hawa nafsu tobo'o. Ngen tobo'o coa lok temimo Yesus Kristus, do-done Penguaso ngen Tuhan ite. Sejak bel'o ukuman utuk tobo'o sudo tentau lem Kiteb Sucai