2 PETRUS 1:7 - JANJAI BLAU Lem Bahaso Jang Bebilai

⁷ Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

2 PETRUS 1:7 ပူးပေါင်းရင်းမြစ်များ

ROMA 12:10

Lokba udi sesamo mengasihi sebagai saudaro ngen sesamo demute lem melei hormat.

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

KOLOSE 3:14

Ngen de peting, adeba: Udi harus sesamo mengasihi sebab kasih o ba de menea jijai do Saudaro-saudaro kutene sehinggo jijai sempurno.

1 TESALONIKA 3:12

Semoga Tuhan menea udi tambeak mengasihi do ngen de luyen ngen tambeak mengasihi kute tun, sehinggo kasihnu o betambeak, serai awei kasih keme ngen udi.

1 TESALONIKA 5:15

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

IBRANI 13:1

Lokba udi tep mengasihi do ngen de luyenne sebagai tun-tun Kristen de besaudaro.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 2:17

Hormatba kute tun, citoba saudaro-saudaronu sesamo Kristen. Sabenba ngen Allah, hormatba ngen Kaisar.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.

1 YOHANES 3:16

Ngen awei o ite namen ca'o mengasiak sesamo, Kristus bi semreak idup-Ne utuk ite. Sebab o, ite kulo harus semreak idup ite utuk saudaro-saudaro ite.

1 YOHANES 4:21

Sebab o, dioba periteak de nelei Kristus ngen ite: Api mengasiak Allah harus mengasiak saudarone kulo.